ԵՐԵՎԱՆ, 13 մայիսի./Նովոստի–Արմենիա/. ՀԱՊԿ–ը մեկնաբանել է Սյունիքի մարզում հայ–ադրբեջանական սահմանին տիրող իրավիճակը։ Այս մասին նշվում է կազմակերպության հայտարարության մեջ։
Загружается новость ... "Лево"
ՀՍՊԿ–ում ՀՀ մշտական և լիազոր ներկայացուցիչ Վիկտոր Բիյագովն այսօր ՀԱՊԿ մշտական խորհրդի նիստի ընթացքում տեղեկացրել է մայիսի 12–ին Հայաստանի և Ադրբեջանի պետական սահմանին գրանցված միջադեպի մասին։ Հայկական կողմի կարծիքով, Ադրբեջանի Զինված ուժերը խախտել են սահմանն ու մի քանի կիլոմետրով խորացել դեպի հայկական տարածք։
ՀԱՊԿ գլխավոր քարտուղադր Ստանիսվալ Զասը հեռախոսազրույցի ընթացքում քննարկել է ստեղծված իրավիճակը ՀՀ պաշտպանության նախարարի պ.կ. Վաղարշակ Հարությունյանի և ԱԳ նախարարի պ.կ. Արա Այվազյանի հետ։
«ՀԱՊԿ–ում ուշադիր հետևում են Սյունիքի մարզի սահմանամերձ շրջաններում իրավիճակի զարգացմանը։ Անհրաժեշտության դեպքում կձեռնարկվեն գործողություններ, որոնք նախատեսված են Հավաքական անվտանգության պայմանագրի դրույթներով և ՀԱՊԿ–ի Կանոնադրությամբ», – նշվում է հաղորդագրության մեջ։
Հայկական ԶԼՄ–ներում և սոցցանցերում չորեքշաբթի հայտնվեցին տեղեկություններ այն մասին, որ Սյունիքի մարզի Սև լճի մոտակայքում ադրբեջանական ԶՈւ–ն առաջ է շարժվել Վերիշեն բնակավայրի ուղղությամբ։ Հաղորդվում էր նաև վիրավորների մասին։ ՊՆ–ն իր հերթին հայտնեց, որ մայիսի 12-ի վաղ առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում։ Հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։ Այս պահին ընթանում են բանակցություններ՝ ստեղծված իրավիճակը հարթելու ուղղությամբ։
2020թ.–ի նոյեմբերի 9–ին Արցախում ռազմական գործողությունների դադարեցման մասին հայտարարության ստորագրումից հետո Հայաստանի և Ադրբեջանի շփման գիծը Սյունիքում և Գեղարքունիքում երկարացել է մոտ 500կմ–ով։–0–