ԵՐԵՎԱՆ, 27 ապրիլի./Նովոստի–Արմենիա/. ՀՀ ԳՇ պետի տեղակալ Անդրանիկ Մակարյանին մեղադրանք է առաջադրվել։
Այս մասին «Նովոստի–Արմենիա» գործակալությանը հայտնեց ՀՀ ՔԿ մամուլի քարտուղար Վարդան Թադևոսյանը։
Մակարյանին մեղադրանք է առաջադրվել ՀՀ ՔԿ 376–րդ հոդվածի 3–րդ մասի հատկանիշներով (Անփույթ վերաբերմունքը ծառայության նկատմամբ)։ Որպես խափանման միջոց է կիրառվել ստորագրություն չհեռանալու մասին։
Թադևոսյանը նշեց, որ այլ մանրամասներ ներկայացնել չի կարող։
«Ժողովուրդ» օրաթերթի հաղորդմամբ, Մակարյանը մեղադրվում է 60-հոգանոց զորքի անհետ կորելու մեջ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:–0–