548.4
7.55
484.75
+14
Եղանակը Երևանում
Հայ

Արենիում կառուցվող «Թուֆենկյան» հյուրանոցն ամենամեծն է լինելու ՀՀ–ում. վարչապետն ընդունել է ամերիկահայ գործարար Ջեյմս Թուֆենկյանին

20:26
19 Մարտի 2019

ԵՐԵՎԱՆ, 19 մարտի./Նովոստի–Արմենիա/. ՀՀ վարչապետ Նիկոլ Փաշինյանն այսօր ընդունել է ամերիկահայ գործարար, բարերար և ճանաչված դիզայներ Ջեյմս Թուֆենկյանին, հաղորդում է ՀՀ վարչապետի մամուլի ծառայությունը։ 

Վարչապետը ողջունել է Ջեյմս Թուֆենկյանի գործունեությունը Հայաստանում և Արցախում՝ նշելով, որ «Թուֆենկյան» հիմնադրամի միջոցով տարբեր ոլորտներում ծրագրերի իրականացումը կարևոր նշանակություն ունի թե՛ Հայաստանի, թե՛ Արցախի զարգացման համար: 

Նիկոլ Փաշինյանը նշել է, որ կառավարությունը տնտեսական հեղափոխություն իրականացնելու շրջանակում բարեփոխումներ է իրականացնում գործարար միջավայրի շարունակական բարելավման, բիզնես նախաձեռնությունների խթանման, օրենսդրական կարգավորումների պարզեցման և մի շարք այլ ուղղություններով, որոնք կդյուրացնեն բիզնես գործունեությունը Հայաստանում և կխթանեն ներդրումների ներգրավումը: 

Загружается новость ... "Лево"

Վարչապետ Փաշինյանն ընդգծել է՝ կառավարության առաջնահերթ խնդիրներից է երկրում նախաձեռնողականության խթանումը, քանի որ խնդիրների լուծման կարելի է հասնել միայն աշխատանքի միջոցով: 

Ջեյմս Թուֆենկյանը նշել է, որ Սփյուռքում ոգևորությամբ և հպարտությամբ են հետևում Հայաստանում տեղի ունեցող փոփոխություններին, և սփյուռքահայերի շրջանում մեծ ցանկություն ու հետաքրքրություն կա՝ հայրենիք այցելելու, կատարվող գործընթացներին տեղում ծանոթանալու, երկրի զարգացման ծրագրերում ներգրավվելու և իրականացվող բարեփոխումներին աջակցելու առումով: 

Նա նշել է, որ իր փորձով կարող է ներկայացնել այն դրական փոփոխությունները, որոնց հետ անձամբ է առնչվել, այն է՝ նոր մշակույթի ներդրում բիզնես գործունեության մեջ, գործարարությամբ զբաղվելու համար առկա կարգավորումների էական դյուրացում և այլն: Ջեյմս Թուֆենկյանի խոսքով՝ նշված բարեփոխումները կարևոր նշանակություն ունեն ներդրումների ներգրավման տեսանկյունից, և արդեն իսկ կատարված նորամուծությունները լուրջ դրական ազդակ են բիզնեսի համար: 

Վարչապետը և Ջեյմս Թուֆենկյանը քննարկել են «Թուֆենկյան» հիմնադրամի կողմից իրականացվող ծրագրերը և մասնավորապես, անդրադարձել Վայոց Ձորի մարզի Արենի համայնքում կառուցվող հյուրանոցային համալիրի ներդրումային ծրագրին: 

Նիկոլ Փաշինյանը կարևորել է հյուրանոցի կառուցումը՝ նշելով, որ դա իր հետևից շղթայական դրական էֆեկտներ կբերի ոչ միայն Արենիի, այլև շրջակա համայնքների համար՝ կբարելավի բիզնես միջավայրը Վայոց Ձորում, կխթանի ինչպես արտագնա, այնպես էլ ներգնա զբոսաշրջությունը, կնպաստի տնտեսական ակտիվությանը, ենթակառուցվածքների բարելավմանը: 

Ջեյմս Թուֆենկյանը նշել է, որ կառուցվող «Թուֆենկյան» հյուրանոցն ամենամեծն է լինելու Հայաստանում, և նախատեսվում է այն շահագործման հանձնել երկու տարուց: 

Նա ընդգծել է, որ պատրաստ է շարունակելու զարգացման ծրագրերի իրականացումը և՛ Հայաստանում, և՛ Արցախում և աջակցել կառավարությանը բարեփոխումները կյանքի կոչելու գործում: 

Զրուցակիցները մտքեր են փոխանակել նաև նոր ծրագրերի իրականացման հեռանկարների շուրջ: 

Գործարար Ջեյմս Թուֆենկյանը Հայաստանում և Արցախում ներդրումներն ու ծրագրերն իրականացնում է «Tufenkian Foundation» հիմնադրամի միջոցով: Հայաստանում հիմնադրամի ծրագրերն ուղղված են աղքատության հաղթահարմանը, կրթական հնարավորությունների ստեղծմանը, շրջակա միջավայրի պահպանությանը, սոցիալական արդարությանը և մարդու իրավունքների պաշտպանությանը և այլն։ Հիմնադրամը լայնածավալ ենթակառուցվածքային և զարգացման ծրագրեր է իրականացրել և իրականացնում նաև Արցախում:–0–

Թեմատիկ նյութեր
Բաժնի այլ նյութեր
14:01
17 Ապրիլի 2019
Չնայած հարուցված քրեական գործին, «Ժողովուրդը» շարունակում է հրապարակել մարտի 1-ի գործով նախաքննական տվյալներ
Ուղիղ 1 ամիս առաջ ՀՀ հատուկ քննչական ծառայությունը քրեական գործ հարուցեց «Ժողովուրդ» օրաթերթում նախաքննության տվյալները հրապարակելու առիթով:
13:43
17 Ապրիլի 2019
Օղակաձև զբոսայգում սրճարան է ապամոնտաժվում (ՖՈՏՈ)
Օղակաձև զբոսայգում սրճարան է ապամոնտաժվում:
12:57
17 Ապրիլի 2019
Խոստումը կատարված է. Փաշինյանը` ոստիկանների աշխատավարձի բարձրացման մասին
Խոստումը կատարված է. Փաշինյանը` ոստիկանների աշխատավարձի բարձրացման մասին:
12:49
17 Ապրիլի 2019
9 ժամ ջուր չի լինի Երևանի կենտրոնում
9–ժամյա ջրանջատում է նախատեսված Երևանի Կենտրոն վարչական շրջանում։
12:25
17 Ապրիլի 2019
ԱԺ–ում պատգամավորական «ռազբորկան» շարունակվել է Էդմոն Մարուքյանի աշխատասենյակում
ԱԺ–ում պատգամավորական «ռազբորկան» շարունակվել է Էդմոն Մարուքյանի աշխատասենյակում:
12:14
17 Ապրիլի 2019
Մարուքյանն ու «Սերժ Սարգսյանի կոստյումը». ԱԺ–ում քննարկում են կառավարության կառուցվածքը (ՎԻԴԵՈ)
Մարուքյանն ու «Սերժ Սարգսյանի կոստյումը». ԱԺ–ում քննարկում են կառավարության կառուցվածքը։
11:09
17 Ապրիլի 2019
ԱԳ նախարարն այցելել է խոշոր հրդեհից տուժած Փարիզի Աստվածամոր տաճար (ՖՈՏՈ)
ԱԳ նախարարն այցելել է խոշոր հրդեհից տուժած Փարիզի Աստվածամոր տաճար:
10:55
17 Ապրիլի 2019
ՔՊ կոմիսարները հետևելու են իրենց ղեկավարներին ու զեկուցելու կուսակցական վերադասին. ԶԼՄ
ՔՊ կոմիսարները հետևելու են իրենց ղեկավարներին ու զեկուցելու կուսակցական վերադասին:
10:43
17 Ապրիլի 2019
Հայաստանն անձրևների և ջերմաստիճանի նվազման փուլ է թևակոխում
Անձրևներ և ջերմաստիճանի նվազում է սպասվում Հայաստանում։
08:00
17 Ապրիլի 2019
Երեքշաբթի` ապրիլի 16–ի առավել ուշագրավ նորությունները
Ներկայացնում ենք երեքշաբթի` ապրիլի 16–ի առավել ուշագրավ նորությունների սեփական տարբերակը։
21:10
16 Ապրիլի 2019
Մեղադրանք է առաջադրվել 5 զինծառայողի և հրամանատարի զորամասերից մեկում գրանցված միջադեպի առթիվ քննվող քրգործով. ՄԱՆՐԱՄԱՍՆԵՐ
Մեղադրանք է առաջադրվել 5 զինծառայողի և հրամանատարի զորամասերից մեկում գրանցված միջադեպի առթիվ քննվող քրգործով:
20:27
16 Ապրիլի 2019
Վճռաբեկ դատարանի նախկին նախագահի և նրա ընտանիքի անդամների նկատմամբ հարձակման դեպքի առթիվ քրգործի նախաքննությունն ավարտվել է
Վճռաբեկ դատարանի նախկին նախագահ Արման Մկրտումյանի և նրա ընտանիքի անդամների նկատմամբ հարձակման դեպքի առթիվ քրգործի նախաքննությունն ավարտվել է: