ԵՐԵՎԱՆ, 17 նոյեմբերի. /Նովոստի-Արմենիա/. ՀՀ պաշտպանության նախարար Դավիթ Տոնոյանը հրաման է ստորագրել մի շարք զինծառայողների պաշտոններից ազատելու և խիստ նկատողություն տալու վերաբերյալ, Facebook-ի իր էջում գրել է Հայաստանի պաշտպանության նախարարության մամուլի քարտուղար Արծրուն Հովհաննիսյանը:
Հրամանը կապված է Հայաստանի հարավում ռազմական բեռնատարի կողաշրջման հետևանքով զոհված չորս զինծառայողների և վիրավորների դեպքի հետ:
Նոյեմբերի 7-ին N զորամասին պատկանող «Կամազ» մակնիշի ավտոմեքենան ժամը 13։00–ի սահմաններում Որոտան-Խնձորեսկ ավտոճանապարհի 5-րդ կմ հատվածում դուրս է եկել ճանապարհի երթևեկելի մասից և գլորվել ձորը: Վթարի հետևանքով 4 զինվոր մահացել է,կան նաև վիրավոր զինվորներ։ ՀՀ ՔԿ–ի հաղորդմամբ, դեպքի առթիվ ՀՀ քննչական կոմիտեի ԶՔԳՎ իններորդ կայազորային քննչական բաժնում ՀՀ քրեական օրենսգրքի 377-րդ հոդվածի 3-րդ մասով (մեքենաներ վարելու կամ շահագործելու կանոնները խախտելը) հարուցվել է քրեական գործ, կատարվում է նախաքննություն:
Загружается новость ...
"Право"
Համաձայն հրամանի, զինվորական ծառայությունից ազատվել են` 1ին տանկային վաշտի տանկային դասակի հրամանատար, ավագ լեյտենանտ Գ.Մ.-ն, ՀՀ ՊՆ N զորամասի ավտոմոբիլային ծառայության պետ մայոր Մ.Ա.-ն, ՀՀ ՊՆ N զորամասի 4րդ զրահատանկային գումարտակի հրամանատարի սպառազինության գծով տեղակալ Կապիտան Շ. Ա.-ն, ՀՀ ՊՆ N զորամասի 4 զրահատանկային գումարտակի նախկին հրամանատար մայոր Ս.Բ.-ն:
ՀՀ ՊՆ N զորամասի տանկային վաշտի տանկային դասակի հրամանատար ավագ լետենանտ Ս.Թ.-ն և ՀՀ ՊՆ N զորամասի ավտոմոբիլային տեխնիկայի և զրահատանկային ծառայության պետ Մայոր Գ.Չ.-ն նախազգուշացում են ստացել պաշտոնին ոչ լրիվ համապատասխանության մասին:
ՀՀ ՊՆ N զորամասի նախկին տեխնիկական մասի պետ-հրամանատարի սպառազինության գծով տեղակալ փոխգնդապետ Ա.Շ.-ն և N զորամասի տեխնիկական մասի պետռհրամանատարի սպառազինության գծով տեղակալ փոխգնդապետ Պ. Ա.-ն ստացել են խիստ նկատողություն, և նկատողություն է ստացել ՊՆ N զորամասի նախկին հրամանատար գնդապետ Ե. Գ.-ն:
Հովհաննիսյանը հիշեցնում է, որ պատիժները որևէ մեկին չեն ազատում քրեական հնարավոր պատասխանատվությունից։