ԵՐԵՎԱՆ, 15 հուլիսի. /Նովոստի-Արմենիա/. Հաճախորդների սպասարկման առավել հարմարավետ պայմաններ ստեղծելու նպատակով, 2019 թ.-ի հուլիսի 15-ից ՎՏԲ-Հայաստան Բանկի Թիվ 33 մասնաճյուղը, որը նախկինում տեղակայված էր Մալաթիա-Սեբաստիա վարչական շրջանի Սվաճյան փ., տուն 32 հասցեում, կգործի նոր ավելի ընդարձակ տարածքում՝ նույն շրջանի Անդրանիկ 71/7 փ. հասցեում: Այդ մասին հայտնում է բանկի մամուլի ծառայությունը:
Загружается новость ... "Лево"
«Բանկի նոր ժամանակակից և ընդարձակ մասնաճյուղում հաճախորդները հնարավորություն կունենան օգտվել ՎՏԲ-Հայաստան Բանկի կողմից մատուցվող ծառայությունների և պրոդուկտների ողջ շարքից. ավանդային ու վարկային պրոդուկտների ձևակերպում, հաշիվների համալրում, դրամական փոխանցումների իրականացում, կոմունալ վճարումների կատարում, բանկի աշխատակիցների խորհրդատվություններ և այլն», - նշվում է տարածած հաղորդագրությունում:
Նոր մասնաճյուղն ունի շուրջօրյա ինքնասպասարկման գոտի, որտեղ տեղադրված են բանկոմատ (cash-in) ու վճարային տերմինալ, ինչը թույլ կտա հաճախորդներին կանխիկացնել ու համալրել բանկային/քարտային հաշիվները, ավանդները, մարել վարկեր և վճարել կոմունալ ու այլ ծառայություններ 24/7 ռեժիմում: Մասնաճյուղի աշխատանքի ռեժիմն է երկուշաբթիից ուրբաթ 09:15-17:00, շաբաթ օրը`10: 00-14:00:
«ՎՏԲ-Հայաստան Բանկ» ՓԲԸ–ն ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ–ն «ՎՏԲ-Հայաստան Բանկ» ՓԲԸ–ի 100% բաժնետոմսերի փաթեթի միանձնյա բաժնետերն է։ Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ:–0–