ԵՐԵՎԱՆ, 3 դեկտեմբերի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։
ՀՀ ԱԺ փոխխոսնակ, ՀՀԿ գործադիր մարմնի անդամ Էդուարդ Շարմազանովը կուսակցության գործադիր մարմնի նիստից հետո հայտարարել է, որ ՀՀ վարչապետ Կարեն Կարապետյանը ՀՀԿ առաջին փոխնախագահի ամենահավանական թեկնածուն է։
«Մանչեսթեր Յունայթեդի» երկրպագուները Հայաստանի հավաքականի կիսապաշտպան Հենրիխ Մխիթարյանին ճանաչել են «Վեսթ Հեմի» հետ խաղի լավագույն խաղացող։ Ակումբի գլխավոր մարզիչ Ժոզե Մաուրինյուն նշել է, որ ուրախ է Մխիթարյանի համար, նա արդեն հարմարվում է։ Միաժամանակ, ակումբը տեսանյութ է պատրաստել Մխիթարյանի մասին։
Հայկական ԶԼՄ–ները տեղեկատվություն էին տարածել ԼՂՀ ՊԲ երկու զինծառայողների վիրավորվելու մասին։ Բժիշկների տվյալներով, նրանց վիճակը կայուն ծանր է։ Միաժամանակ, ՀՀ ՊՆ մամուլի ծառայությունը հայտնել է, որ ղարաբաղա–ադրբեջանական հակամարտ զորքերի շփման գծում տվյալ պահին օպերատիվ իրավիճակը կայուն է։ Գերատեսչությունը կոչ է արել զերծ մնալ ապատեղեկատվություններից և չստուգված տեղեկությունների հրապարակումից: ՀՀ ՊՆ մամուլի քարտուղար Արծրուն Հովհաննիսյանն իր հերթին հայտնել է, որ հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ոչ մի լարվածություն չկա։