ԵՐԵՎԱՆ, 14 հոկտեմբերի. /Նովոստի-Արմենիա/. Հայաստանի շահերը չեն ոտնահարվի ռուս-թուրքական հարաբերությունների բարելավման ֆոնին, ուրբաթ Երևանում ասաց ՌԴ նախագահի խորհրդական Սերգեյ Գլազևը Եվրասիական գործընկերության առաջին միջազգային համաժողովի ժամանակ:
«Թուրքիայի հետ վերջերս ստորագրված համաձայնագրերը այն ծրագրերի վերականգնումն է, որոնք նախատեսված են եղել երկար ժամանակի ընթացքում: Խոսքը նորմալ համագործակցության և քաղաքական պատճառներով դադարեցված նախագծերի վերականգնման մասին է», - նշեց Գլազևը:
Նա ոչ մի պատճառ չի տեսնում, որ ռուս-թուրքական հարաբերությունների բարելավման դեպքում ինչ-որ կերպ կոտնահարվեն Հայաստանի շահերը և կտուժի հայ–ռուսական առևտրա-տնտեսական համագործակցությունը:
«Որքան շատ լինեն նմանատիպ խոշոր միջազգային ենթակառուցվածքային նախագծերը, որքան ավելի սերտ կապված լինի տնտեսությունը ոչ միայն ԵՏՄ-ի ներսում, այլ նաև` մտերիմ հարևանների հետ, այնքան ավելի կայուն կլինի քաղաքականությունը, փոխըմբռնումը և հնարավորությունները», - նշեց Գլազևը: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
