ԵՐԵՎԱՆ, 4 դեկտեմբերի. /Նովոստի-Արմենիա/. ՀՀ երկրորդ նախագահ Ռոբերտ Քոչարյանի փաստաբանները մտադիր են դիմել Սահմանադրական դատարան, այդ մասին երեքշաբթի լրագրողների հետ զրոիյցում հայտարարեց նախկին նախագահի պաշտպան Արամ Օրբելյանը:
Վերաքննիչ դատարանը արդեն 5-րդ օրն է քննում է Գլխավոր դատախազության միջնորդությունը` Քոչարյանին ազատ արձակելու մասին Վերաքննիչ դատարանի որոշումը չեղարկելու վերաբերյալ: Նիստի ժամանակ փաստաբանները ներկայցրել են մի շարք միջնորդություններ, մասնավորապես, դատավոր Ռուբեն Մխիթարյանի ինքնաբացարկի մասին։
«Մենք միջնորդություն ենք ներկայացրել Վերաքննիչ դատարան ՀՀ քրեական օրենսգրքի 300 և 300.1 հոդվածները` Մայր օրենքին համապատասխանելու վերաբերյալ», - ասաց Օրբելյանը (հենց այս հոդվածների հիման վրա է Քոչարյանին մեղադրան առաջադրվել` Սահմանադրական կարգի տապալման փորձի համար. խմբգր.):
Ըստ նրա գնահատման, այս գործի շրջանում կիրառվող իրավական նորմերը հակասում են Սահմանադրությանը, այդ իսկ պատճառով փաստաբանները խնդրում են դատարանին կամ դիմել Սահմանադրական դատարան, կամ չկիրառել այս հոդվածները, եթե Վերաքննիչ դատարանը վստահ է, որ այդ նորմերը չունեն իրավական հիմք և չենք համապատասխանում Սահմանադրությանը։
Փստաբան Հայկ Ալումյանը նշեց, որ այդ միջնորդությունից բացի, Սահմանադրական դատարան կարող է ներկայացվել նաև մեկ այլ դիմում, սակայն չհայտնեց որևէ մանրամասն տեղեկատվություն։
Հայաստանի երկրորդ նախագահ Ռոբերտ Քոչարյանը մեղադրվում է նախնական պայմանավորվածությամբ մի խումբ անձանց հետ սահմանադրական կարգը տապալելու մեջ։
Երևանի ընդհանուր իրավասության դատարանը հուլիսի 28–ին որոշում է կայացրել 2 ամսով կալանավորել Հայաստանի երկրորդ նախագահ Ռոբերտ Քոչարյանին Մարտի 1–ի գործի շրջանակում։ Նա մեղադրվում է մի խումբ անձանց հետ նախնական պայմանավորվածությամբ սահմանադրական կարգը տապալելու համար։ Վերաքննիչ դատարանն օգոստոսի 13–ին բավարարեց Քոչարյանի փաստաբանների` կալանքի փաստը բողոքարկելու միջնորդությունը։ Միջնորդությունը բավարարվեց` հաշվի առնելով նախկին նախագահի անձեռնմխելիությունը։ Քոչարյանն ազատ արձակվեց դատարանի դահլիճից։
Հայկական ընդդիմությունը` առաջին նախագահ Լևոն Տեր–Պետրոսյանի գլխավորությամբ, ով առաջադրվել էր 2008 թ.–ի փետրվարի 19–ին կայացած նախագահական ընտրություններին և պարտվել էր, փետրվարի 20–ից Երևանի կենտրոնում անցկացնում էր հանրահավաքներ` դժգոհություն հայտնելով քվեարկության արդյունքներից։ Բողոքի ակցիաները 2008 թ.–ի մարտի 1–2–ը վերածվեցին անկարգությունների և իրավապահ ուժերի ու ցուցարարների միջև բախումների, ինչի հետևանքով զոհվեց 10 մարդ, ավելի քան 200–ը վիրավորվեց։ -0-
