ԵՐԵՎԱՆ, 18 սեպտեմբերի. /Նովոստի–Արմենիա/. Մեծ է հավանականությունը, որ Երևանի ավագանու ընտրություններում կհաղթի «Իմ քայլը» դաշինքը, որը ներառված է վարչապետ Նիկոլ Փաշինյանի կուսակցության մեջ, հայտարարեց Կովկասի ինստիտուտի տնօրեն, քաղաքագետ Ալեքսանդր Իսկանդարյանը։
«Ֆավորիտը շատ պարզ է։ «Իմ քայլը» դաշինքը չունի սեփական հաղթանակում կասկածելու որևէ պատճառ, ինչը ցույց են տվել վերջերս անցկացված սոցիոլոգիական հարցումները։ Էյֆորիան դեռ չի անցել, հիմք կա ենթադրելու, որ հաջողությունը շատ հավանական է», – ասաց Իսկանդարյանը երեքշաբթի ասուլիսի ժամանակ։
Նրա խոսքով, նման պայմաններում կարելի էր հուսալ, որ կընթանա հանգիստ նախընտրական քարոզարշավ, ինչը, սակայն, տեղի չունեցավ։
«Արշավը բավականին քաղաքականացված է, հռետորաբանությամբ թվում է, թե սրանք քաղաքապետի ընտրություններ չեն, ով պիտի զբաղվի ուրբանիստական խնդիրներով։ Հնչում է կոշտ հռետորաբանություն, դիմակայությունը հասնում է ընտրողների բևեռային կիսման, հատկապես, որ արտաքին պատճառներ չկան», – ասաց Իսկանդարյանը։
Նա նաև նշեց, որ այս ընտրությունները կդառնան նոր իշխանության լետիտիմիզացման ևս մեկ հաստատում, այդ պատճառով հանրահավաքներում հիմնական դերակատարը վարչապետն է, ոչ թե քաղաքապետի թեկնածու Հայկ Մարությանը։
Загружается новость ... "Лево"
Իսկանդարյանը, սակայն, նշեց, որ չի կարող բացարձակ վստահ լինել «Իմ քայլը» դաշինքի հաղթանակում, քանի որ հնարավոր են տարբեր ֆորս–մաժորային հանգամանքներ։
2018 թ.–ի սեպտեմբերի 23–ին նախատեսված են Երևանի ավագանու ընտրությունները։ Երևանի քաղաքապետի պաշտոնը մնացել է թափուր հուլիսի 9–ին քաղաքապետ Տարոն Մարգարյանի հրաժարականից հետո։
Ավագանու ընտրություններին մասնակցելու համար Կենտրոնական ընտրական հանձնաժողովում գրանցվել է 12 քաղաքական ուժ։ Մասնավորապես, «Իմ քայլը» դաշինքն իր ցուցակի առաջին համար է գրանցել հայտնի դերասան Հայկ Մարությանին (Կարգին Հայկո), «Բարգավաճ Հայաստան» կուսակցությունը` պատգամավոր, կուսակցության քաղխորհրդի քարտուղար Նաիրա Զոհրաբյանին, «Ժառանգություն» կուսակցությունն` իր առաջնորդ Րաֆֆի Հովհաննիսյանին, ՀՅԴ–ն` ՀՀ բնապահպանության նախարարության Անտառային տնտեսության պետական կոմիտեի նախագահ Միքայել Մանուկյանին, «Օրինաց երկիր» կուսակցությունն` իր փոխնախագահ Մհեր Շահգելդյանին, «Լույս» դաշինքն` արդարադատության նախարար Արտակ Զեյնալյանին։–0–