484.68
+0.06
530.14
+2.1
8.5
-0.03
+17
Եղանակը Երևանում
Հայ
Պայմանագրային զինծառայողին մեղադրանք է առաջադրվել գողություն և կողոպուտ կատարելու համար
10:12
17 Նոյեմբերի 2015

ԵՐԵՎԱՆ, 17 նոյեմբերի. /Նովոստի–Արմենիա/. Պայմանագրային զինծառայողին մեղադրանք է առաջադրվել տարեց կնոջ տնից կողոպուտ, մտերիմ ընկերոջ տնից գողություն կատարելու համար, հաղորդում է ՀՀ քննչական կոմիտեն։

 Ըստ հաղորդագրության` ՀՀ քննչական կոմիտեի զինվորական քննչական գլխավոր վարչության տասներորդ կայազորային քննչական բաժնում ավարտվել է պայմանագրային զինծառայողի կողմից կողոպուտ, գողություն կատարելու դեպքերի առթիվ հարուցված քրեական գործի նախաքննությունը:

Նախաքննության ընթացքում ձեռնարկված քննչական գործողությունների արդյունքում  բավարար ապացույցներ են ձեռք բերվել՝ Շիրակի մարզի բնակիչ, պայմանագրային զինծառայող Ա.Կարապետյանի կողմից հիվանդ, տարեց հարևանուհու տնից կողոպուտ կատարելու, հյուրընկալված ընկերոջ տնից գողություններ կատարելու և 8 օր ծառայության վայրն ինքնակամ թողնելու վերաբերյալ։

«Քննության տվյալներով՝ 2014 թվականի դեկտեմբերի 26-ին տարեց հարևանուհին, ինքնազգացողությունը վատթարանալու պատճառով օգնության է կանչել  23-ամյա Ա.Կարապետյանին», – նշվում է հաղորդագրության մեջ։

Կարապետյանն օգնություն ցուցաբերելու փոխարեն, օգտվելով տարեց կնոջ անօգնական վիճակից, հափշտակել է սեղանին դրված 15.000 ՀՀ դրամը, հեռուստացույցի մոտ գտնվող  ոսկյա շղթա, ականջօղ և երկու կախազարդ։

«Իսկ երբ տարեց կինը հատակին նստած դիրքից փորձել է տեղաշարժվել, նրա կյանքի և առողջության համար ոչ վտանգավոր բռնություն գործադրելով՝ երիտասարդը, կրծքավանդակից հրելով, կնոջը գետնին է պառկեցրել, ապա՝ բացահայտ հափշտակել նրա  պայուսակն ու դիմել փախուստի», – նշվում է հաղորդագրության մեջ։

Քննությամբ պարզվել է նշված կողոպուտից հետո նրա մասնակցությամբ կատարված գողության երկու դրվագ։

Նախնական քննության տվյալներով՝ 2015 թվականի ապրիլին գիշերելով ընկերոջ տանը՝  Ա.Կարապետյանը ննջասենյակի պահարանից հափշտակել է ընկերոջ մոր ոսկյա երկու մատանին, իսկ ամիսներ անց՝ 2015 թվականի հունիսի 3-ին, նույն ընկերոջ տանը գիշերելով՝ ննջասենյակի պահարաններից հափշտակել է 22.000 ՀՀ դրամ:

«Պարզվել է նաև, որ Ա.Կարապետյանը, պայմանագրային զինվորական ծառայության մեջ գտնվելով, 2015 թվականի հունիսի 5-ից մինչև հունիսի 16-ը՝ մինչ ՀՀ ՊՆ ՌՈ աշխատակիցների կողմից հայտնաբերվելը, առանց հարգելի պատճառի 8 օր ծառայության չի ներկայացել», – նշվում է հաղորդագրության մեջ։

Մինչդատական վարույթում ձեռք բերված ապացույցների հիման վրա՝ Ա.Կարապետյանին մեղադրանք է առաջադրվել ՀՀ քրեական օրենսգրքի 176-րդ հոդվածի 2-րդ մասի 4-րդ կետով (կողոպուտ՝ ուրիշի գույքի բացահայտ հափշտակություն, որը  զուգորդվել է կյանքի կամ առողջության համար ոչ վտանգավոր բռնություն գործադրելով կամ դրա գործադրելու սպառնալիքով), ՀՀ քրեական օրենսգրքի 177-րդ հոդվածի 1-ին մասով (գողություն, երկու դրվագ) և ՀՀ քրեական օրենսգրքի 361-րդ հոդվածի 1-ին մասով (զորամասը կամ ծառայության վայրն ինքնակամ թողնելը):

«Կարապետյանի նկատմամբ որպես խափանման միջոց է ընտրվել կալանավորումը», – նշվում է հաղորդագրության մեջ։

Քրեական գործը՝ մեղադրական եզրակացությամբ, ուղարկվել է նախաքննության օրինականության նկատմամբ հսկողություն իրականացնող դատախազին, մեղադրական եզրակացությունը հաստատվել է, և գործն ուղարկվել Շիրակի մարզի ընդհանուր իրավասության դատարան:–0–

Loading...
Թեմատիկ նյութեր

Բաժնի այլ նյութեր
11:00
30 Ապրիլի 2017
Նոր տեղեկություններ՝ Երևանի Մեծարենցի փողոցին հարակից ջրանցքից հայտնաբերված տղամարդու դիակի դեպքով
/. Ապրիլի 28–ին հայտնի էր դարձել, որ Երևանի Մեծարենցի փողոցին հարակից ջրանցքից  55-60 տարեկան տղամարդու դի է հայտնաբերվել։
01:24
30 Ապրիլի 2017
Մայիսի 1–ին լրանում է «ԱՌԿԱ» գործակալության 21–ամյակը
Անցել է արդեն 21 տարի։ Մենք շատ բան ենք սովորել մաքուր էջից և սովորեցրել ուրիշներին, այս ընթացքում «առկայացիների» բազմաթիվ սերունդներ են աճել։ Մենք վստահ ենք, որ մասնագիտության նկատմամբ սերն ու լավ հավակնություններն օգնեցին մեզ դիմանալ և շարունակել զարգանալ։
21:08
29 Ապրիլի 2017
ՀՀ-ում ԵՄ պատվիրակության գրասենյակի ծրագրերի ղեկավարը կալանավորվեց
Նա մեղադրվում է ՀՀ-ում Եվրոպական միության պատվիրակության կողմից հատկացված դրամաշնորհի գումարներից առանձնապես խոշոր չափերի հափշտակություն կատարելու մեջ։
16:17
29 Ապրիլի 2017
Հայաստանի մշտական բնակչության թիվն ապրիլի 1-ի դրությամբ կրճատվել է
Հայաստանի մշտական բնակչության թիվը 2017 թվականի ապրիլի 1-ի դրությամբ կազմել է 2 981,5 մարդ:
15:06
29 Ապրիլի 2017
ԴԱՀԿ–ը պարզաբանում է ծառայության պաշտոնյայի կողմից խոշոր գումար հափշտակելու մասին ՀՔԾ–ի տարածած հաղորդագրությունը
ԴԱՀԿ–ը պարզաբանում է ծառայության պաշտոնյայի կողմից խոշոր չափերի գումար հափշտակելու մասին ՀՔԾ–ի տարածած հաղորդագրությունը։
12:40
29 Ապրիլի 2017
ԴԱՀԿ պաշտոնյան խոշոր չափերի գումար է հափշտակել
ԴԱՀԿ պաշտոնյան ստացել է բռնագանձման ենթակա խոշոր չափերի գումար, որը յուրացրել և ծախսել է անձնական կարիքների համար:
12:38
29 Ապրիլի 2017
Քննարկվում է Արփինե Հովհաննիսյանի փոխարինողի թեկնածությունը
Լրատվամիջոցները քննարկում են, թե ով կարող է փոխարինել արդարադատության նախարար Արփինե Հովհաննիսյանին:
10:45
29 Ապրիլի 2017
Հայաստանն արգելել է բանջարեղենի ներկրումը Թուրքիայից. թերթ
Մի քանի օր է, ինչ Բագրատաշենի մաքսակետով արգելվել է թուրքական արտադրության ապրանքների ՀՀ ներմուծումը:
10:00
29 Ապրիլի 2017
Նախորդ շաբաթվա կարևոր նորությունների հնգյակը
«Նովոստի–Արմենիա» գործակալությունը ներկայացնում է նախորդ շաբաթվա (ապրիլի 24–28) կարևոր նորությունների հնգյակը։
20:25
28 Ապրիլի 2017
Հայաստանի փաստաբանների դպրոցի տնօրենը հայտարարել է, որ չի հարվածել իր գործընկերոջը
Հայաստանի փաստաբանների դպրոցի տնօրեն Սիմոն Բաբայանն ուրբաթ հայտարարեց, որ չի հարվածել իր գործընկերոջը` Տիգրան Աթանեսյանին, չնայած խոստովանել է, որ վիճել են։
18:07
28 Ապրիլի 2017
Իսպանիայի Վիյենա քաղաքը պաշտոնապես ճանաչել է Հայոց ցեղասպանությունը
Իսպանիայի (Villena) Վիյենա քաղաքը պաշտոնապես ճանաչել և դատապարտել է Հայոց ցեղասպանությունը։
17:49
28 Ապրիլի 2017
Կապանում հիվանդին բռնաբարելու փորձի մեջ մեղադրվող բժշկի գործն ուղարկվել է դատարան
Բժշկական կենտրոնի բժիշկներից մեկը փորձել է սեռական հարաբերություն ունենալ երիտասարդ աղջկա հետ։