ԵՐԵՎԱՆ, 2 դեկտեմբերի․ /Նովոստի-Արմենիա/․ ՀՀ վարչապետի պաշտոնակատար Նիկոլ Փաշինյանը չի բացառել երկրում խորհրդարանականից նախագահական կառավարման համակարգի վերադարձը, այդ մասին նա հայտարարել է Սիսիանում անցկացված նախընտրական հանրահավաքում, հայտնում է ՏԱՍՍ-ը:
«Եթե մենք համոզված լինենք խորհրդարանական կառավառման համակարգի փոփոխման անհրաժեշտության մեջ, ապա մեզ ոչինչ չի կաշկանդում, և մենք, ձեր թույլթվությամբ, կանենք դա», - հայտարարեց Փաշինյանը։
Նա ավելացրեց նաև, որ Սահմանադրության մեջ կան որոշ դրույթներ, որոնք «միանշանակ պետք է փոփոխել»։
«Մեր Սահմանադրությունում նշված է, որ նախարար կամ պատգամավոր կարող է դառնալ այն մարդը, ով վերջին չորս տարիների ընթացքում եղել է միայն Հայատանի քաղաքացի և մշտական բնակվել է երկրում։ Եթե խորհրդարանականների դեպքում այդ մոտեցումը հիմնավորված է, ապա նախարարների դեպքում դա թույլ չի տալիս ներգրավել սփյուռքի ներուժը», - ասաց նա։-0-