Նիկոլ Փաշինյանը կոչ է արել ցուցարարներին բացել Երևանի փողոցները

ԵՐԵՎԱՆ, 16 ապրիլի. /Նովոստի Արմենիա/. «Քաղաքացիական պայմանագիր» կուսակցության ղեկավար, ընդդիմադիր «Ելք» խմբակցության պատգամավոր Նիկոլ Փաշինյանը կոչ է արել ցուցարարներին ապաարգելափակել Երևանի բոլոր խաչմերուկներն ու փողոցները:

«Մեր բոլոր կողմնակիցները կարող են ազատել խաչմերուկներն ու հավաքվել այստեղ` Ֆրանսիայի հրապարակում», - հայտարարեց նա:

Ապրիլի 13–ի երեկոյան Փաշինյանը բողոքի շուրջօրյա ակցիա է սկսում Սերժ Սարգսյանի վարչապետության դեմ։ Ակցիայի մասնակիցները փակել են Ֆրանսիայի հրապարակի շուրջ երթևեկությունը, որը կաթվածահար է արդեն երեք օր։ Երկուշաբթի առավոտից Երևանում կաթվածահար է երթևեկությունը գրեթե ողջ մեծ կենտրոնում։ Մետրոյի գնացքները կանգառներ չեն կատարում «Մարշալ Բաղրամյան» կայարանում։ Կառավարության շենքերի մոտ հերթապահում են ոստիկանության ջոկատներ։ -0-