Լուրեր են շրջանառվում ԱԻ նախարարի պաշտոնում երեք թեկնածուների մասին

ԵՐԵՎԱՆ, 24 դեկտեմբերի. /Նովոստի–Արմենիա/. Արտակարգ իրավիճակների նախարար Արմեն Երիցյանի մահից հետո այդ պաշտոնում երեք թեկնածուի անուն է շրջանառվում, գրում է «Ժամանակը»։

Դրանք են Լոռու մարզպետ Արթուր Նալբանդյանը, ՀՀԿ փոխնախագահ Արմեն Աշոտյանը և Երևան քաղաքի նախկին ոստիկանապետ, ԱԻՆ-ի Երևան քաղաքի փրկարարական վարչության պետ Ներսիկ Նազարյանը։

Լոռու մարզպետ Արթուր Նալբանդյանից թերթը հետաքրքրվել է՝ արդյոք նրան այդպիսի առաջարկ եղե՞լ է։

Հարցին մարզպետն արձագանքել է. «Ես երբեք նման բան չեմ ասել, բայց խնդրում եմ՝ այս պահին այդ կարգի անբարոյական հարցեր մի տվեք»։

Նա նշել է, որ այդպիսի քննարկում ընդհանրապես չի եղել. «Ինձ հետ կապված նման քննարկում երբևէ չի եղել, և համոզված եմ՝ չի էլ լինելու»»,–գրում է թերթը։–0–