ԵՐԵՎԱՆ, 16 մարտի. /Նովոստի–Արմենիա/. Դեռևս նախորդ տարի նոյեմբերի 25-ին Վերին Շենգավիթում 37-ամյա կնոջ դանակահարության գործով նախաքննությունն ավարտվել է և գործը գտնվում է դատարանում, հաղորդում է
Pastinfo–ն։
Ավելի վաղ տեղեկացրել էինք, որ 37-ամյա կինը և 34-ամյա Արամը 2014 սկզբներից մինչև 2016թ. սեպտեմբեր ամիսը գտնվել են փաստացի ամուսնական հարաբերությունների մեջ:
Загружается новость ... "Лево"
Երկուսն էլ Երևան են տեղափոխվել մարզից, մահացած կինը ծնունդով Արմավիրի մարզից էր, իսկ Արամը՝ Արարատի մարզից:
Սենյակներ են վարձել նույն տանը։ Վարձակալները պարզել են, որ երկուսն էլ աշխատում են նույն հյուրանոցում, կինը` որպես հավաքարար, իսկ տղամարդը՝ անվտանգության աշխատակից։ Նրանք մտերմացել են ու մի առ ժամանակ համատեղ բնակվել։ Համատեղ կյանքի ընթացքում հաճախ վիճաբանություն է առաջացել և ի վերջո բաժանվել են, սակայն վեճերը չեն դադարել։
Կայքի տեղեկություններով՝ վեճերի պատճառներից մեկը եղել է նաև խանդը. Նախկին ընկերուհին խանդել է Արամին մեկ այլ կնոջ հետ հարաբերություններ սկսելու համար։
Եվ հերթական անգամ, 37-ամյա կինը մի քանի անգամ զանգահարել է Արամին, ով ընկերոջ հետ գտնվել է մայրաքաղաքի ակումբներից մեկում և չի պատասխանել նրա զանգերին։ Տուն վերադառնալուց հետոխանդի հողի վրա առաջացած վիճաբանության ժամանակ Արամը բազմաթիվ հարվածներ է հասցրել նախկին ընկերուհուն, ապա նաև խոհանոցային դանակով հարվածել աջ ազդրին:
Загружается новость ...
"Право"
Գիտակցելով տեղի ունեցածի լրջությունը՝ տղամարդը օգնության է կանչել իր նոր ընկերուհուն և շարֆով կապել են նախկին ընկերուհու վնասված ոտքը, ապա առաջարկել են շտապօգնություն կանչել, սակայն տուժած կինը հրաժարվել է, որից հետո նրանք հեռացել են:
Սակայն կորցնելով մեծ քանակության արյուն` կինը մահացել է։ Ըստ դիակի դատաբժշկական փորձաքննության՝ ստացած վնասվածքների պատճառով նրան անզգուշությամբ մահ է պատճառվել:
Արամին մեղադրանք է առաջադրվել ՀՀ քրեական օրենսգրքի 112-րդ հոդվածի 2-րդ մասի 14-րդ կետով (դիտավորությամբ առողջությանը ծանր վնաս պատճառելը) և նրա նկատմամբ որպես խափանման միջոց է ընտրվել կալանավորումը:–0–