Ջերմաստիճանը նվազում է, սպասվում է անձրև և մառախուղ

ԵՐԵՎԱՆ, 5 նոյեմբերի. /Նովոստի–Արմենիա/. Հայպետհիդրոմետը ներկայացնում է առաջիկա օրերի եղանակի կանխատեսումը։

Այսպես, նոյեմբերի 5-ի ցերեկը, 6-ին, 7-ի գիշերը շրջանների զգալի մասում սպասվում են տեղումներ, առանձին հատվածներում նաև մառախուղ, նոյեմբերի 7-ի ցերեկը, 8-10-ը սպասվում է առանց տեղումների եղանակ։

Քամին կլինի հարավ-արևմտյան` 3-8 մ/վ:

Օդի ջերմաստիճանը նոյեմբերի 5-ի ցերեկը կնվազի 4-5 աստիճանով, նոյեմբերի 6-ի գիշերը նույնքան կբարձրանա:

Երևանում այսօր`նոյեմբերի 5-ի ցերեկը, 6-ին, 7-ի գիշերը ժամանակ առ ժամանակ սպասվում է անձրև, նոյեմբերի 7-ի ցերեկը, 8-10-ը սպասվում է առանց տեղումների եղանակ։

Այսօր ցերեկային ժամերին մայրաքաղաքում սպասվում է +10...+12, գիշերը` +6...+8, նոյեմբերի 6–ին ջերմաստիճանը մի փոքր կբարձրանա, ցերեկային ժամերին կգրանցվի +11...+13, գիշերը` +6...+8։–0–