Նախորդ շաբաթվա կարևոր նորությունների հնգյակը

ԵՐԵՎԱՆ, 2 դեկտեմբերի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։

• ՀՀ ԱԺ փոխխոսնակ, ՀՀԿ գործադիր մարմնի անդամ Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։ НТВ հեռուստաալիքի եթերով հեռարձակվող «Հանդիպման վայր» հաղորդման վերջին եթերը գրեթե ամբողջությամբ նվիրված էր ԵՄ–ի հետ ստորագրված համաձայնագրի քննարկմանը, որտեղ Հայաստանին մասնավորապես համեմատեցին անհավատարիմ կնոջ հետ։ Ռուսական հեռուստաալիքներով հնչող հակահայկական հիստերիայի թեմային է անդրադարձել է նաև Ռուսաստանի պետական հումանիտար համալսարանի արտասահմանյան ռեգիոնագիտության և արտաքին քաղաքականության ամբիոնի դոցենտ, քաղաքագետ, կովկասագետ Սերգեյ Մարկեդոնովը`կոչ անելով դադարեցնել նման վարքագիծը։ Միաժամանակ, հայտարարությամբ է հանդես եկել նաև ՌՀՄ նախագահ Արա Աբրահամյանը` պահանջելով եթերից հեռացնել հակահայկական արշավ սկսած լրագրողներին և քաղաքագետներին։

• Արցախի պաշտպանության նախկին նախարար Սամվել Բաբայանի «Իգլայի» գործով դատապարտվեց վեց տարվա ազատազրկման։

• ՀՀ ԱԻՆ Հիդրոմետ ծառայության Օդերևութաբանության կենտրոնի պետ Գագիկ Սուրենյանը ներկայացրել է, թե ինչպիսի եղանակ է սպասվում Հայաստանում այս ձմեռ։

• Հայաստանի կառավարությունը հինգշաբթի կայացած նիստում հավանություն է տվել ռուսական կողմի հետ ստորագրվելիք արձանագրությանը, համաձայն որի 2018 թվականին կպահպանվի Հայաստան մատակարարվող ռուսական գազի գինը` 150 դոլար հազար խորանարդ մետր գազի համար։ Նիստի ընթացքում վարչապետը նաև հանձնարարել է մի շարք կառույցների տոնական օրերին հերթապահություն սահմանել։

• Երևանում տրանսպորտի սակագնի փոփոխություն է սպասվում։–0–