Նախորդ շաբաթվա կարևոր նորությունների հնգյակը

ԵՐԵՎԱՆ, 11 օգոստոսի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։

• ՀՀ նախկին նախագահ Ռոբերտ Քոչարյանի փաստաբանների միջնորդության մասին Վերաքննիչ դատարանի որոշումը կհրապարակվի երկուշաբթի` օգոստոսի 13–ին։ Երևանի Շենգավիթ համայնքի ընդհանուր իրավասության դատարանը հուլիսի 27–ի գիշերը որոշում ընդունեց երկու ամսով կալանավորել Ռոբերտ Քոչարյանին։ Հայաստանի երկրորդ նախագահ Ռոբերտ Քոչարյանին մեղադրանք է առաջադրվել Հայաստանի Հանրապետության սահմանադրական կարգը տապալելու համար: 

• Դատախազությունը մերժել է Քոչարյանի խափանման միջոց կալանքը փոխելու վերաբերյալ`ԱԺ պատգամավորներին ներկայացրած միջնորդությունը։

• ԱԱԾ–ն հայտնեց, որ Հովիկ Աբրահամյանին պատկանող գործարանում ապօրինի պահվում է մեծ քանակի ռազմամթերք, ձերբակալվել է Աբրահամյանի եղբայրն ու ևս մեկ անձ։

• «Սանիթեք» ընկերությունը տուգանվել է գրեթե 25 հազար դոլարով։

• Երևանի մետրոպոլիտենը, հնարավոր է, նոր կայարան ունենա։–0–