ԵՐԵՎԱՆ, 15 հունվարի. /Նովոստի-Արմենիա/. Հունվարի 9-14-ը Ղազախստանի Ալմաթի քաղաքում տեղի է ունեցել Ժաուտիկովյան 15-րդ միջազգային օլիմպիադան, որին հայաստանյան թիմերը մասնակցում են 2005 թվականից:
Ինչպես հայտնում է ՀՀ կրթության և գիտության նախարարության մամուլի ծառայությունը, օլիմպիադային մասնակցել է 18 երկրի 83 թիմ /ընդհանուր առմամբ՝ 530 մասնակից/: ՀՀ թիմը, որում ընդգրկված էին Ա.Շահինյանի անվան ֆիզմաթ հատուկ դպրոցի 15 և Քվանտ վարժարանի 7 սաներ, օլիմպիադայում արժանացել է 14 մեդալի:
«Մաթեմատիկա» առարկայից ոսկե մեդալ է նվաճել Մաղաքյան Գագիկ /Ա.Շահինյանի անվան ֆիզմաթ հատուկ դպրոց/, արծաթե մեդալ`Փանոսյան Լյովա, Չթչյան Տիգրան /Ա.Շահինյանի անվան ֆիզմաթ հատուկ դպրոց/, բրոնզե մեդալ-Բաղդասարյան Նորայր, Դիլանյան Վաչագան, Մուրադյան Նատալի /Ա.Շահինյանի անվան ֆիզմաթ հատուկ դպրոց/, Հովսեփյան Մկրտիչ /Քվանտ վարժարան/
«Ֆիզիկա» առարկայից արծաթե մեդալ է նվաճել Գրիգորյան Քրիստինե, Զոհրաբյան Դավիթ, Հունանյան Եվա /Ա.Շահինյանի անվան ֆիզմաթ հատուկ դպրոց/, բրոնզե մեդալ` Աղաբաբյան Սպարտակ /Քվանտ վարժարան/
«Ինֆորմատիկա» առարկայից արծաթե մեդալ է նվաճել Աբելյան Ալեքսանդր, Անդրեասյան Սամվել /Քվանտ վարժարան/ բրոնզե մեդալ` Կոստանյան Էմիլ /Ա.Շահինյանի անվան ֆիզմաթ հատուկ դպրոց/:
Նշվում է, որ ՀՀ թիմերը ղեկավարել են ինֆորմատիկայի և ֆիզիկայի խմբակների ղեկավարներ Արմեն Անդրեասյանը, Հրանտ Թոփչյանը և Գրիգոր Աղաբաբյանը։-0-