544.32
7.6
477.81
+32
Եղանակը Երևանում
Հայ

«Եկեք այսօրվա իրողությունները հին արշինով չչափենք». Փաշինյանն` Աբովյանի քաղաքապետի ընտրությունների մասին

13:46
10 Հունիսի 2019

ԵՐԵՎԱՆ, 10 հունիսի. /Նովոստի-Արմենիա/. Հայաստանի վարչապետ Նիկոլ Փաշինյանը երկուշաբթի լրագրողների հետ զրույցում մեկնաբանեց նախօրեին Աբովյանում անցկացված քաղաքապետի ընտրությունները, որում իշխանության ներկայացուցիչը պարտվել է գործող քաղաքապետին:

Ըստ ՀՀ Կենտրոնական ընտրական հանձնաժողովի նախնական տվյալների, Աբովյանում տեղական ինքնակառավարման մարմինների ընտրություններում կիրակի օրը հաղթանակ է տարել գործող քաղաքապետ Վահագն Գևորգյանը: Ընտրություններում մասնակցում էր հինգ թեկնածու, որոնց թվում էին գործող քաղաքապետ, «Բարգավաճ Հայաստան» կուսակցության նախագահի մտերիմ Վահագն Գևորգյանն ու իշխող «Քաղաքացիական պայմանագիր» կուսակցության թեկնածու Գրիգոր Ղուլյանը, ում անձամբ աջակցել է վարչապետ Նիկոլ Փաշինյանը:

Загружается новость ... "Лево"

«Կայացել են ընտրություններ, որոնցում հաղթել է ժողովրդավարությունը, ինչն ամենակարևորն է: Ինչ վերաբերում է «Քաղաքացիական պայմանագիր» կուսակցության թեկնածուի պարտվելուն, ապա մենք հեղափոխությունը հենց դրա համար էլ արել ենք, որ տեղ-տեղ իշխանական թեկնածուները հաղթեն, տեղ-տեղ պարտվեն», - ասաց նա:

Վարչապետը նշեց, որ հեղափոխությունից առաջ երկար տարիներ ամենաառաջնային կարգախոսն էր Հանրապետական կուսակցության մենաշնորհի վերացման անհրաժեշտությունը, ինչի մասին խոսում էին բոլոր քաղաքական ուժերը:

«Եվս մեկ անգամ այս ընտրություններով արձանագրվեց, որ Հայաստանը ժողովրդավարական երկիր է, որտեղ քաղաքացիներն իրավունք ունեն կատարել իրենց ընտրությունները, և իշխանությունը ոչ մի ապօրինի ռեսուրս չի կիրառում իր թեկնածուների հաղթանակին հասնելու համար: ՀՀ-ում հաստատված է ժողովրդի իշխանությունը»,- նշեց Փաշինյանը:

Դիտարկմանը, որ ընտրություններից մեկ օր առաջ ԱԱԾ-ն հայտարարեց Աբովյանի քաղաքապետարանում չարաշահումների վերաբերյալ քրեական գործի հարուցման մասին, վարչապետն ասաց. «Պետք է քրեական գործերի բովանդակությունն իմանաք և համոզված լինեք, որ մեկը մյուսի հետ որևէ կապ չունի»:

Վարչապետը հիշեցրեց նաև, որ հեղափոխությունից երկու ամիս անց իրենց կուսակցության թեկնածուն պարտվեց Կապանի քաղաքապետի ընտրություններում, դրանից հետո տեղի ունեցան ազատ արդար ընտրություններ, և «Իմ քայլը» դաշինքը 70 տոկոս ձայն հավաքեց Սյունիքի մարզում:

«Եկեք այսօրվա իրողությունները հին արշինով չչափենք, երբ ամեն ինչ արվում էր, որ իշխանության թեկնածուին ոչ ոք չհաղթի: Հայաստանի Հանրապետության բոլոր ընտրություններում, անկախ նրանից «Իմ քայլը» դաշինքի թեկնածում կհաղթի, թե չի հաղթի, հաղթում է հեղափոխությունը և հաղթում է ժողովուրդը: Դա ամենակարևոր արձանագրումն էր», - նշեց Փաշինյանը:

Ինչպես գրում են տեղական ԶԼՄ-ները, ըստ նախնական տվյալների, Գևորգյանի օգտին քվեարկել է 8441 ընտրող, Ղուլյանի` 8031: Ընտրություններին մասնակցել է ընտրողների 40.83%-ը (44519 քաղաքացուց ընտրություններին մասնակցել է 18175 մարդ):-0-

Թեմատիկ նյութեր
Բաժնի այլ նյութեր
11:40
25 Հունիսի 2019
Ոստիկանությունն ապահովում է Քոչարյանի գործը քննող դատավորների անվտանգությունը
Ռոբերտ Քոչարյանի գործը քննող դատավորներ Դավիթ Գրիգորյանի և Արմեն Դանիելյանի անվտանգությունն ապահովում է Հայաստանի ոստիկանությունը։
08:00
25 Հունիսի 2019
Երկուշաբթի` հունիսի 24–ի առավել ուշագրավ նորությունները
«Նովոստի–Արմենիա» գործակալությունը ներկայացնում է երկուշաբթի`  հունիսի 24–ի առավել ուշագրավ նորությունների իր տարբերակը։
21:15
24 Հունիսի 2019
Բողոքի ակցիա ՍԴ–ի առջև. «Վետո»–ի ակտիվիստները «փորձել են կանխել» սահմանադրական կարգի տապալումը» (ՎԻԴԵՈ)
«Վետո» քաղաքացիական նախաձեռնության մասնակիցները երկուշաբթի բողոքի ակցիա են անցկացրել Հայաստանի Սահմանադրական դատարանի շենքի առջև:
19:56
24 Հունիսի 2019
Վերահսկիչ պալատի ղեկավարը հայտնել է միլիարդավոր դրամների խախտումների մասին 2018թ.–ին
Հայաստանի Վերահսկիչ պալատի նախագահ Լևոն Յոլյանը երկուշաբթի արտահերթ նիստում ներկայացրեց իրեն ենթակա գերատեսչության գործունեության հաշվետվությունը:
17:48
24 Հունիսի 2019
«Արմենիա Վայն». գինեգործության զարգացումը ԶԼՄ–ների հետ գործակցությամբ (ՖՈՏՈ)
Հունիսի 22-ին «Արմենիա Վայն»-ն իր հյուրընկալ դռներն էր բացել հայկական լրատվական միջոցների ներկայացուցիչների առջև։  
16:38
24 Հունիսի 2019
Երևանի փոխքաղաքապետը հայտնել է, թե երբ կսկսվի 3500 վերելակների փոխարինումը
Մարությանն ավելի վաղ խոստացել է, որ Երևանում վերելակների փոխարինման հարցը կլուծվի երկու–երեք տարիների ընթացքում
14:03
24 Հունիսի 2019
Հայկական ավտոբուսին արգելում են հատել ռուս–վրացական սահմանը. Վրաստանում ՀՀ դեսպանությունը պարզաբանում է
Գիշերվանից հայկական ավտոբուսին թույլ չեն տալիս հատել ռուս–վրացական սահմանը, իրավիճակը պարզաբանում է Վրաստանում ՀՀ դեսպանությունը։
13:38
24 Հունիսի 2019
Էնքան հեգնեմ սաղին, որ որևիցե մեկին պակաս չթվա. ԱԺ–ում թեժ էր (ՎԻԴԵՈ)
Այսօր ԱԺ–ում բավականին թեժ մթնոլորտ էր։
13:16
24 Հունիսի 2019
6–ժամյա ջրանջատում է նախատեսված Երևանի վարչական շրջաններից մեկում
6 ժամ ջուր չի լինի Երևանի վարչական շրջաններից մեկում։
12:15
24 Հունիսի 2019
Հայաստանի շուրջ անվտանգային միջավայրը ոչ միայն չի լիցքաթափվել, այլև հակառակը. Փաշինյանը`ԱԱԽ նիստում (ՎԻԴԵՈ)
Փաշինյանի խոսքով, ՀՀ–ի շուրջ անվտանգային միջավայրը ոչ միայն չի լիցքաթափվել, այլև հակառակը, որոշակի գործընթացներ են տեղի ունենում մեր միջավայրում, որոնք ստիպում են ավելի աչալուրջ լինել մեր անվտանգային մարտահրավերների հարցում:
11:51
24 Հունիսի 2019
Որպես անհետ կորած որոնվող 30-ամյա Արմենուհի Այդինյանը հայտնաբերվել է
Որպես անհետ կորած որոնվող 30-ամյա Արմենուհի Այդինյանը հայտնաբերվել է։
10:32
24 Հունիսի 2019
Հայաստանում սպասվում է անձրև ու ամպրոպ` +38 աստիճանի ֆոնին
Հայաստանում սպասվում է անձրև ու ամպրոպ` +38 աստիճանի ֆոնին: