ԵՐԵՎԱՆ, 9 դեկտեմբերի. /Նովոստի-Արմենիա/. Ազգային անվտանգության ծառայության տնօրեն Արթուր Վանեցյանը կիրակի լրագրողների հետ զրույցում հայտարարեց, որ արտակարգ դեպքեր ընտրությունների ընթացքում ներկա պահին գրանցված չեն:
«Հանրապետության ամբողջ տարածքում ոչ մի արտակարգ դեպք չի եղել», - ասաց նա: Ըստ Վանեցյանի, ներկա պահին նախընտրական խախտումների մասին որևէ տեղեկություն չկա:
«Բոլոր օպերատիվ ծառայությունները աշխատում են և եթե կաշառքի դեպք գրանցվի, հավատացեք, որ ինչպես մենք, այնպես էլ ոստիկանությունը, միանգամից կարձագանքենք», - հայտարարեց Վանեցյանը:-0-