ԵՐԵՎԱՆ, 4 փետրվարի. /Նովոստի-Արմենիա/. Առևտրականները բողոքի ակցի են անցկացնում կառավարության շենքի դիմաց` պահանջելով թույլ տալ իրենց զբաղվել ձեռնարկատիրական գործունեությամբ:
Հունվարի 1-ից Երևանի քաղաքապետարանը խստացրել է մայրաքաղաքում ապօրինի փողոցային առևտրով զբաղվելու միջոցները:
Ակցիայի մասնակիցները նշում են, որ ստիպված են վաճառքով զբաղվել փողոցում, քանի որ շուկայում առևտրի ծավալներն այնքան փոքր են, որ վաճառվող մթերքը փչանում է և մի քանի տասնյակ հազարի վնաս է պատճառում:
Մասնակիցներից Կարեն Դադոյանը հայտարարեց, որ շուկաներում աշխատող վաճառողներն ամեն տարի գնում և վաճառում են 500 հազարից - 1 մլն դրամի մթերք, իսկ մանր առևտրականները հազիվ ծայրը ծայրին են հասցնում: «Մենք ֆիանսական հնարավորություն չունենք դուրս գալ մեծախմբաքանակ ապրանքների շուկա», - հայտարարեց նա:
Անցած տարվա օգոստոսին Երևանի քաղաքապետարանում քննարկվել են մայրաքաղաքում ապօրինի փողոցային առևտրի կանխարգելման միջոցները: Որոշվել էր, որ այսուհետ առևտրի գծով քաղաքապետարանի և վարչական շրջանների պատասխանատու ներկայացուցիչները ոստիկանության ներկայուցյամբ տարբեր ժամերին ամենօրյա շրջայց կկատարեն փողոցներով, մարդաշատ վայրերում, հրապարակներում և զբոսապուրակներում:-0-