ԵՐԵՎԱՆ, 12 հունվարի. /Նովոստի Արմենիա/. Վատ եղանակային պայմանների պատճառով Երևանի «Զվարթնոց» միջազգային օդանավակայանում ուշանում են մի շարք չվերթեր, այս մասին «Նովոստի Արմենիա» գործակալությանն հայտնեց ՀՀ քաղաքացիական ավիացիայի գլխավոր վարչության մամուլի քարտուղար Սաթենիկ Հովհաննիսյանը։
«Մասնավորապես, ուշանում են Մոսկվա–Երևան, Թբիլիսի–Երևան չվերթերը, ինչպես նաև Երևան–Վորոնեժ, Երևան–Մոսկվա չվերթերը», - հայտնեց Հովհաննիսյանը:
Նրա խոսքով, Շարժայից ու Դուբայից սպասվող չվերթերը վատ եղանակային պայմանների պատճառով ի սկզբանե ուղղորդվել են Թբիլիսի, սակայն հետո վերադարձել ու վայրէջք են կատարել «Զվարթնոց» օդանավակայանում:
Հայհիդրոմետկենտրոնը հայտնել է, որ Երևանում հունվարի 12-ի գիշերը, 14-ին ու 15-16-ի ցերեկը սպասվում են տեղումներ, գիշերային ժամերին` թաց ձյան տեսքով:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում