ԵՐԵՎԱՆ, 17 հուլիսի. /Նովոստի-Արմենիա/. Numbeo.com պորտալը հրապարակել է հանցավորության վարկանիշը (Crime Index 2019), որտեղ Հայաստանը 328 երկրների շարքում զբաղեցրել է 310–րդ հորիզոնականը:
Աշխարհի քաղաքները վարկանիշում ներկայացված են ըստ նվազման. որքան ներքև է քաղաքը գտնվում, այնքան այն ավելի անվտանգ է:
Հայաստանի մասով հանցավորության ցուցիչը (Crime Index) կազմում է 21.13, իսկ անվտանգության ցուցիչը (Safety Index)` 78.87:
Загружается новость ... "Лево"
Հետխորհրդային երկրներից ամենաանվտանգ քաղաքների ցանկում են ներառվել Տալլինը և Տարտուն (Էստոնիա), ինչպես նաև Թբիլիսին (Վրաստան), իսկ տարածաշրջանի երկրներից` Էսկիսեհիրը (Թուրքիա):
Ըստ վարկանիշի, ամենաանվտանգ քաղաքներն են Աբու Դաբին (ԱՄԷ), Դոհան (Քաթար), Քվեբեկը (Կանադա), Թայբեյը (Թայվան) և Մյունխենը (Գերմանիա):
Ամենավտանգավոր քաղաքներն են Կարակասը (Վենեսուելա), Փիթերմարիցբուրգը (Հարավային Աֆրիկա), Պորտ Մորեսբին (Պապուա Նոր Գվինեա), Սան Պեդրո Սուլան (Հոնդուրաս) և Պրետորիան (Հարավային Աֆրիկա):-0-