Երևանում տղամարդը 25 տարեկան երիտասարդի ինտիմ լուսանկարները չհրապարակելու համար 600.000 դրամ է պահանջել (ՎԻԴԵՈ)

ԵՐԵՎԱՆ, 4 սեպտեմբերի. /Նովոստի–Արմենիա/. Երևանում տղամարդը 25 տարեկան երիտասարդի ինտիմ լուսանկարները չհրապարակելու համար նրանից 600.000 դրամ է պահանջել։

ՀՀ ոստիկանության հաղորդմամբ, օգոստոսի 28–ին ժամը 14։00–ի սահմաններում բաժին եկած 25 տարեկան երիտասարդը ոստիկանությանը պատմել է, որ մոտ 3 ամիս առաջ սոցկայքերից մեկով ծանոթացել է Սարգիս անունով մի երիտասարդի հետ, մտերմանալուց հետո ինտիմ զրույցներ են վարել։

Ոստիկանները հետախուզական միջոցառումների արդյունքում պարզել են ոմն Սարգսի բնակության վայրն ու ինքնությունը։ Օգտատիրոջ անունն իսկապես Սարգիս է, որի մասին այլ մանրամասներ ոստիկանությունը չի հաղորդում։

«Շորթումից վայրկյաններ անց ոստիկանները վնասազերծել և բերման են ենթարկել Սարգսին։ Շորթման փաստով ոստիկանության Կենտրոնական բաժնի հետաքննության բաժանմունքում հարուցված քրեական գործի նյութերը փոխանցվել են տարածքային նախաքննական մարմնին։ Դեպքի հանգամանքները պարզվում են», – նշվում է ոստիկանության տարածած հաղորդագրության մեջ։–0–