ԵՐԵՎԱՆ, 11 հոկտեմբերի./Նովոստի–Արմենիա/. Երևանում Ֆրանկոֆոնիայի միջազգային կազմակերպության (ՖՄԿ) XVII գագաթնաժողովի շրջանակում մեկնարկել է Ֆրանկոֆոնիայի երկրների ղեկավարների գագաթնաժողովը։
Իր խոսքով հյուրերին կդիմեն ՀՀ վարչապետ Նիկոլ Փաշինյանը, Մադագասկարի նախագահ Էրի Ռաձաունարիմամպիանինան, ՖՄԿ գլխավոր քարտուղար Միկաել Ժանը, Ֆրանսիայի նախագահ Էմանուել Մակրոնը, Կանադայի վարչապետ Ջասթին Թրյուդոն։
ՄՀՀ–ում հոկտեմբերի 11–12–ին անցկացվող գագաթնաժողովին կմասնակցի ՖՄԿ–ում ներառված երկրների 83 ներկայացուցիչ, ինչպես նաև այդ միջազգային կառույցի գործընկերներն ու դիտորդները։
Загружается новость ... "Лево"
Գագաթնաժողովի մասնակիցների թվում են այնպիսի երկրների առաջնորդներ, ինչպիսիք են Կամերունը, Կամբոջիան, Բուրունդին, Բուրկինա Ֆասոն, Բելգիան, Եգիպտոսը, Հունաստանը, Գվինեան, Լյուքսեմբուրգը, Մոնակոն, Սենեգալը, Սեյշելյան կղզիները, Շվեյցարիա, Թունիսը, Վիետնամը, Վանուատուն, Գանան, Արգենտինան, Լիտվան, Կոսովոն, Վրաստանը, ԱՄԷ–ն, Մեքսիկան, Մոնտենեգրոն, Էստոնիան, Ուկրաինան, Սերբիան, Սլովակիան։
Միջոցառումները մեկնարկել են հոկտեմբերի 7–ին։ Այդ օրը Կ. Դեմիրճյանի անվան մարզահամերգային համալիրում (ՄՀՀ) անցկացվեց Ֆրանկոֆոնիայի մշտական խորհրդի 105–րդ նստաշրջանը։ Հոկտեմբերի 8–9–ը ՄՀՀ–ում կազմակերպվեց Ֆրանկոֆոնիայի 35–րդ նախարարական երկօրյա համաժողովը, որի շրջանակում նախարարները քննարկեցին համատեղ հայտարարության տեքստը, որը կընդունվի ՖՄԿ–ի գագաթնաժողովի արդյունքում։ Ֆրանկոֆոնիայի օրերի կուլմինացիան կդառնա հոկտեմբերի 11–ին Հանրապետության Հրապարակում նախատեսված գալա–համերգը, որին մասնակցելու են աշխարհահռչակ երգչուհիներ ZAZ–ը, Մելոդի Գարդոն, Անժելիկ Կիջոն, ինչպես նաև DJ Folamour–ը։ Գալա–համերգի եզրափակիչ մասը նվիրված է աշխարհահռչակ ֆրանսահայ շանսոնյե Շառլ Ազնավուրի հիշատակին, որը մահացել է հոկտեմբերի 1–ի գիշերը Ֆրանսիայում։–0–
