Վիգեն Սարգսյանը կմասնակցի նախընտրական քարոզարշավին

ԵՐԵՎԱՆ, 27 հունվարի. /Նովոստի–Արմենիա/. ՀՀ պաշտպանության նախարար Վիգեն Սարգսյանը, ով ՀՀԿ անդամ է, ուրբաթ լրագրողներին հայտարարեց, որ կմասնակցի նախընտրական քարոզարշավին։

«Կմասնակցեմ նախընտրական արշավին այնպես, ինչպես կուսակցությունն անհրաժեշտ կհամարի», – ասաց պաշտպանության նախարարն ու վստահեցրեց, որ այդ դեպքում «օրենքի տառը չի խախտվի»։

«Եթե հակասություններ առաջանան, կուսակցական պարտականությունները կիրականացնեմ արտաաշխատանքային ժամերին», – նշեց Սարգսյանը։

Միաժամանակ, նախարարը հրաժարվեց մանրամասներ ներկայացնել ՀՀԿ–ի համամասնական ցանկի մասին, որը, ԶԼՄ–ների տվյալներով, կարող է հենց ինքը գլխավորել։

«Մեկ երազանք ունեմ՝ ընտրություններին ապահովել այնպիսի արդյունք, որն իրեն թույլ կտա առաջիկա տարիներին աշխատել այս պաշտոնում, քանի որ պաշտպանության ոլորտում մեծ աշխատանք կա անելու», – նշեց Սարգսյանն ու հավելեց, որ այսօր աշխատում է լուրջ թիմ ու կառավարությունը՝ վարչապետի ղեկավարությամբ, շատ հաջող աշխատանք է իրականացնում։–0–