ԵՐԵՎԱՆ, 20 հուլիսի. /Նովոստի Արմենիա/. ՎՏԲ-Հայաստան բանկը, շարունակելով հաճախորդներին լավագույն պայմաններով վարկերի տրամադրման ռազմավարությունը, առաջարկում է ոսկու գրավադրմամբ վարկեր ցածր տոկոսադրույքներով և ավելացված սահմանաչափով, հայտնում է բանկի մամուլի ծառայությունը։
ՎՏԲ-Հայաստան բանկը գործարկել է հատուկ առաջարկ այն հաճախորդների համար, ովքեր իրենց ոսկու գրավադրմամբ վարկերը այլ բանկերից և վարկային կազմակերպություններից կտեղափոխեն ՎՏԲ-Հայաստան բանկ: Տեղափոխելով այլ բանկերում կամ վարկային կազմակերպություններում առկա ոսկու գրավադրմամբ վարկերը ՎՏԲ-Հայաստան բանկ` հաճախորդները կկարողանան ոչ միայն նվազեցնել իրենց վարկային բեռը վարկի տոկոսադրույքի նվազման արդյունքում, այլ նաև հնարավորություն կունենան ստանալ գրավի գնահատման արժեքից մինչև 30% ավել վարկի գումար:
«Բանկն իր հաճախորդներին հնարավորություն է տալիս ձևակերպել ոսկու գրավադրմամբ վարկեր շահավետ պայմաններով `սկսած տարեկան 0% -ից: Վարկի մարման ժամկետը մինչև 5 տարի է, ընդ որում` վարկի մարման եղանակը ընտրում է հաճախորդն իր հայեցողությամբ, իսկ վարկի գումարը կազմում է մինչև 3,000,000 ՀՀ դրամ (համարժեք ԱՄՆ դոլար)», – հայտնում են բանկից:
ՎՏԲ-Հայաստան բանկում ոսկու գրավադրմամբ վարկեր ձևակերպելիս` հաճախորդները կօգտվեն նաև հետևյալ առավելություններից`վարկի տրամադրման որոշումը կայացվում է հաշված րոպեների ընթացքում, վարկի ձևակերպումը իրականացվում է տեղում և տևում է ընդամենը մի քանի րոպե, վարկի ստացման համար հաճախորդը պետք է ներկայացնի փաստաթղթերի նվազագույն փաթեթ` անձը հաստատող փաստաթուղթ և հանրային ծառայության համարանիշ (սոցիալական քարտ):
Էֆֆեկտիվ տարեկան տոկոսադրույքը` սկսած 15.5%։
ՎՏԲ-Հայաստան Բանկ» ՓԲԸ–ն ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ–ն «ՎՏԲ-Հայաստան Բանկ» ՓԲԸ–ի 100% բաժնետոմսերի փաթեթի միանձնյա բաժնետերն է։ Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: -0-
