ԵՐԵՎԱՆ, 6 հոկտեմբերի./Նովոստի–Արմենիա/. ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանն ազդարարում է աշնան մուտքը։
«Վաղվանից արդեն կզգանք աշնան շունչը, օդի ջերմաստիճանը բոլոր մարզերում կնվազի 5-7 աստիճանով», – նախօրեին նշել է օդերևութաբանը Facebook–յան իր էջում։
Հայպետհիդրոմետի հաղորդմամբ, հոկտեմբերի 6-ին Վայոց Ձորում, Սյունիքում և Արցախում սպասվում է անձրև, 7-10-ը սպասվում է առանց տեղումների եղանակ։
Քամին՝ հյուսիս-արևմտյան՝ 5-10 մ/վ, հոկտեմբերի 5-ին առանձին վայրերում սպասվում է քամու ուժգնացում՝ 15-20 մ/վ:
Օդի ջերմաստիճանը հոկտեմբերի 6-ին կնվազի 6-8, Լոռիում, Տավուշում, Սյունիքում և Արցախում՝ 10-12 աստիճանով, հոկտեմբերի 8-9-ը նույնքան կբարձրանա: Երևանում հոկտեմբերի 6–10–ը սպասվում է առանց տեղումների եղանակ։-0-