Շարմազանով. մենք խստիվ քննադատում ենք ընտրություններին լրագրողների աշխատանքը խոչընդոտելու ցանկացած փաստը

ԵՐԵՎԱՆ, 2 ապրիլի. /Նովոստի-Արմենիա/. Ընտրությունների ժամանակ լրագրողների մասնագիտական գործունեությունը խոչընդոտելու փորձերը անընդունելի են և արժանի են դատապարտման, կիրակի ճեպազրույցի ժամանակ լրագրողներին ասաց ՀՀ ԱԺ փոխխոսնակ Էդուարդ Շարմազանովը:

«Մենք խստիվ դատապարտում են ցանկացած նմանատիպ գործողություն», - ասաց նա՝ մեկնաբանելով «Ազատություն» ռ/կ-ի լրագրող Սիսակ Գաբրիելյանի վրա հարձակման մասին հաղորդագրությունը:

ԶԼՄ-ների հաղորդմամբ, Սիսակ Գաբրիելյանը ենթարկվել է հարձակման Կոնդի թաղամասում ՀՀԿ-ի նախընտրական շտաբից ոչ հեռու, երբ շտաբից դուրս եկող ընտրողների ձեռքերում գումար է նկատել: Շտաբում գտնվող մարդիկ պարզաբանել են, որ աշխատավարձ են տվել, սակայն երբ լրագրողը սկսել է նկարահանել միջադեպը, քաշքշուկ է սկսվել:

Շարմազանովի խոսքով, այդ միջադեպն արդեն իսկ դիտարկվում է իրավապահ մարմինների կողմից և քննություն է տարվում: 

Ապրիլի 2–ին Հայաստանում անցկացվում են 6–րդ գումարման խորհրդարանի ընտրությունները։ Դրանք հանրապետության առաջին համապետական ընտրություններն են 2015 թվականի սահմանադրական բարեփոխումներից հետո, որոնք նախատեսում են անցում խորհրդարանական իշխանավարման՝ 2018 թվականին պետության գործող նախագահի լիազորությունների ժամկետի լրացումից հետո: Ընտրություններին մասնակցում է հինգ կուսակցություն և չորս կուսակցական դաշինք: -0-