«Սասնա ծռերի» աջակիցները գիշերը փողոցում են անցկացրել` արգելափակելով Արշակունյաց պողոտան (ՖՈՏՈ)

ԵՐԵՎԱՆ, 17 մայիսի. /Նովոստի–Արմենիա/. «Սասնա ծռերի» կողմնակիցները գիշերն անցկացրել են փողոցում` ամբողջությամբ արգելափակելով Արշակունյաց պողոտան։ Այս մասին հաղորդել է «Նովոստի–Արմենիա» գործակալության թղթակիցը դեպքի վայրից։

Բողոքի ակցիան շարունակվում է արդեն մեկ օր, ինչի պատճառով խցանումներ են առաջացել պողոտային հարակից փողոցներում։

Նախօրեին Երևանի ընդհանուր իրավասության դատարանը, դիտարկելով «Սասնա Ծռեր» խմբի անդամների խափանման միջոցը փոխելու հարցը, ուժի մեջ թողեց ազատությունից զրկելու մասին որոշումը։

Նախորդ շաբաթ էլ «Սասնա Ծռեր»–ի խափանման միջոցը փոխելու միջնորդությունը ևս մերժվեց։ -0-