ՍԴ նախագահի պաշտոնի թեկնածուի է առաջադրվել

ԵՐԵՎԱՆ, 13 մարտի. /Նովոստի–Արմենիա/. ՀՀ ԱԺ խոսնակ Արա Բաբլոյանը հանդես է եկել հայտարարությամբ` առաջադրելով ՍԴ նախագահի պաշտոնի թեկնածուին։

«Սահմանադրության 83–րդ հոդվածի 2–րդ մասի համաձայն (2005 թ.–ին կատարված փոփոխություններով)` ՀՀ Սահմանադրական դատարանի նախագահի թափուր պաշտոնին նշանակելու համար ՍԴ կազմից ԱԺ–ին առաջարկում եմ Հրայր Թովմասյանի թեկնածությունը», – նշվում է խոսնակի հայտարարության մեջ։

ՀՀ Սահմանադրության համաձայն, Սահմանադրական դատարանի դատավորներին ընտրում է ԱԺ–ն 12 տարի ժամկետով։ ՍԴ–ն բաղկացած է 9 դատավորից, որոնցից երեքն ընտրվում են ՀՀ նախագահի, երեքը` կառավարության, երեքը` Դատավորների ընդհանուր ժողովի առաջարկով։ Դատավարնորը ստանձնում են իրենց պաշտոնը մինչև 70 տարեկան։

Սահմանադրական դատարանը ՍԴ նախագահին և փոխնախագահին ընտրում է իր կազմից 6 տարի ժամկետով առանց վերընտրվելու իրավունքի։–0–