ԵՐԵՎԱՆ, 7 օգոստոսի. /Նովոստի–Արմենիա/. «Մարտի 1»–ի գործով կալանավորված ՀՀ երկրորդ նախագահ Ռոբերտ Քոչարյանի փաստաբանների խմբին վերջերս միացած փաստաբան Հայկ Ալումյանն առանձին բողոք է ուղարկել վերաքննիչ ատյան՝ խնդրելով վերացնել կալանքը։
Այս մասին հաղորդում է «Ազատություն» ռ/կ–ն` հղում անելով Ալումյանին։
Загружается новость ... "Лево"
«Դատարանին առաջարկում եմ կալանքը վերացնել, կիրառել գրավ: Մենք չենք առաջարկում չափ, դատարանը թող որոշի: Հնարավորություն կունենա վճարելու՝ կվաճարի, չի ունենա՝ չի վճարի, չի ազատվի»,- «Ազատությանն» ասել է Ալումյանը:
Երկրորդ նախագահի խափանման միջոցը փոխելու ստորագրահավաքին, ըստ Քոչարյանի գրասենյակի ղեկավար Վիկտոր Սողոմոնյանի, միացել է 46 պատգամավոր՝ Հանրապետական խմբակցության 42, ՀՅԴ խմբակցության 3 և «Ծառուկյան» խմբակցության 1 պատգամավոր:
Ալումյանի խոսքով, ըստ օրենքի` ստորագրահավաքին միացած պատգամավորներից յուրաքանչյուրը, որպես անձնական երաշխավորություն, կես միլիոն դրամ գումար պետք է վճարի։ Ռոբերտ Քոչարյանի փաստաբանները շարունակում են պնդել՝ երկրորդ նախագահը ենթարկվում է քաղաքական հետապնդման, և նրա կալանքն ապօրինի է։–0–