ԵՐԵՎԱՆ, 26 հունվարի. /Նովոստի–Արմենիա/. Հունվարի 22–ին ՌԴ Կրասնոդարի երկրամասում գրանցված ավտովթարից տուժած ՀՀ քաղաքացիների վիճակը բավարար է։
Ւնչպես Facebook–յան իր էջում տեղեկացրել է ՀՀ առողջապահության նախարարի մամուլի քարտուղար Անահիտ Հայթայանը, ՌԴ Կրասնոդարի երկրամասում հունվարի 22-ին տեղի ունեցած ավտովթարի հետևանքով տուժած ՀՀ քաղաքացիներից Վանուշ Ս.-ն այսօր դուրս է գրվել Պավլովոյի շրջանի կենտրոնական հիվանդանոցից։
«Տուժածից 2-ը` Գևորիկ Դ.-ն (1992 թ.–ին ծնված, աջ ուսի վիրաբուժական վզիկի կոտրվածք` տեղաշարժումով) և Կարեն Հ.-ն (1984թ.–ին ծնված, աջ անրակի միջին երրորդականի փակ թեք կոտրվածք) վիրահատվել են», – հայտնել է Հայթայանը։
Հիվանդանոցում բուժումը շարունակող ՀՀ 4 քաղաքացու վիճակը բավարար է։
Հունվարի 22–ին ժամը 11.55-ին Կրասնոդարի երկրամասի Պավլովի շրջանում տեղի է ունեցել ՃՏՊ։ Mercedes-Benz» մակնիշի միկրոավտոբուսը, որը պատկանում է ՀՀ քաղաքացի, 1985 թ. ծնված Վանուշ Սահակյանին, շրջվել է, ինչի հետևանքով 9 ՀՀ քաղաքացի հոսպիտալացվել են Պավլովի շրջանի կենտրոնական հանրապետական հիվանդանոց։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում