483.51
-0.8
586.16
+7.51
8.55
+0.05
-1
Եղանակը Երևանում
Հայ
Կարո Փայլան. երազում եմ, որպեսզի թուրքերը, քրդերն ու հայերը ապրեն հաշտ ու խաղաղ (ՖՈՏՈ)
19:41
19 Սեպտեմբերի 2017
ԵՐԵՎԱՆ, 19 սեպտեմբերի. /Նովոստի–Արմենիա/. Թուրքիայում բնակվող հայազգի պատգամավոր, Ժողովրդադեմոկրատական կուսակցության ներկայացուցիչ Կարո Փայլանը երեքշաբթի հանդիպել է ԵՊՀ–ի ուսանողների հետ։

Каро Пайлян

«Շատ ուրախ եմ, որ Հայաստանում եմ և հանդիպում եմ ձեզ։ Երբ տեսնում եմ այսքան ուժեղ և ակտիվ երիտասարդների, իմ մեջ Հայաստանի մեծ ու լուսավոր ապագայի հույս է արթնանում։ Լինելով թուրք պատգամավոր` ես առաջին անգամ եմ Հայաստանում և շատ ուրախ եմ, որ տեսնում եմ ուժեղ Հայաստան։ Նայում եմ հայ երիտասարդների աչքերին և ուժ եմ տեսնում», – հայտարարեց Փայլանը։

Каро Пайлян

Նա նաև նշեց, որ երազում է, որպեսզի և′ թուրքերը, և′ քրդերը, և′ հայերն ապրեն հաշտ ու խաղաղ։

«Գիտեմ, որ սա երազանք է։ Սակայն մենք կշարունակենք պայքարել, որպեսզի ցեղասպանությունը չկրկնվի», – ասաց նա։

Каро Пайлян

Փալյանի խոսքով, այսօր Թուրքիայում բնակվում է 60 հազար հայ, որոնց մեծ մասը Ստամբուլում են, սակայն նրանց շրջանում քիչ են քրիստոնյաները։

«Եղել են ժամանակներ, երբ Հայաստանի և Թուրքիայի սահմանները բաց էին։ Հիմա այդ ճանապարհը չկա։ Ես երազում եմ գտնել նոր ճանապարհ, որպեսզի չլինեն սահմաններ։ Դրա համար հարկավոր է դեմոկրատական Թուրքիա», – ընդգծեց նա։

Каро Пайлян

Փայլանը նաև նշեց, որ իր նախնիները ծնունդով Մալաթիա քաղաքացին էին, որտեղ մինչև Հայոց ցեղասպանությունը բնակչության 35–40%–ը հայեր էին։

«Հիմա այնտեղ 25–30 հազարից մնացել է մոտ 2 հազար հայ։ Տատս կարծում էր, որ մենք պետք է լքենք Թուրքիան, հակառակ դեպքում այստեղ չենք գոյատևի։ Մեր հարազատներից շատերը լքել են երկիրը, իսկ իմ ընտանիքը տեղափոխվել է Ստամբուլ, որտեղ հիմա բնակվում են հայեր բազմաթիվ այլ քաղաքներից։ Հայկական բոլոր ընտանիքներն ունեն նման պատմություններ», – ասաց նա ու հավելեց, որ իր ծնողները չգիտեին հայերեն, քանի որ նրա նախնիները վախեցել են նրանց հայերեն սովորեցնել։

Каро Пайлян

Խոսելով Թուրքիայում տիրող ներքաղաքական իրավիճակի մասին` Փայլանը նշեց, որ Թուրքիայում հիմա վատ վիճակ է և, ցավոք, օրեցօր ավելի է վատանում։

«Թուրքիայում տեղի ունեցան սահմանադրական բարեփոխումներ։ Ցավոք, հանրաքվեի արդյունքում հաղթեց Էրդողանի դիկտատուրան։ Նախագահի թեկնածուն պետք է դեմոկրատ լինի։ Մեր կուսակցությունը, անխոս, կունենա իր թեկնածուն ընտրություններին», – ասաց նա։

Каро Пайлян

«Թուրքիայում շատ են դեմոկրատները, սակայն, ցավոք, նրանք չկարողացան փոխել պետական մտածելակերպը։ Չգիտեմ այլ ճանապարհ. միայն ժողովրդավարական Թուրքիան կարող է կապ հաստատել Հայաստանի հետ», – ավելացրեց նա։

Փայլանը պարգևատրվեց ԵՊՀ–ի ոսկե մեդալով մարդու իրավունքների պաշտպանության և Հայոց ցեղասպանության ճանաչման ու դատապրտման գործում ունեցած զգալի ավանդի համար։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Չեխիայի խորհրդարանը, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի, Լյուքսեմբուրգի խորհրդարանները, Կանադայի խորհրդարանի համայնքների պալատը և Լեհաստանի սեյմը, Պարագվայի Սենատը,Վատիկանը, Եվրախորհդարանը, Եկեղեցիների համաշխարհային խորհուրդը, Գերմանիայի Բունդեսթագը և Չեխիայի խորհրդարանը: -0-
Loading...
Թեմատիկ նյութեր
Բաժնի այլ նյութեր
15:54
14 Հունվարի 2018
Սուրենյանը նշել է, թե երբ է գալու գարունը
Գագիկ Սուրենյանը հայտնել է, թե երբ է գալու գարունը։
10:30
13 Հունվարի 2018
Նախորդ շաբաթվա կարևոր նորությունների հնգյակը
«Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։
19:35
12 Հունվարի 2018
Ժամանակավորապես կսահմանափակվի Տիգրան Մեծի պողոտայի որոշակի հատվածի երթևեկությունը
Երևանի Տիգրան Մեծի պողոտայի որոշակի հատվածի երթևեկությունը ժամանակավորապես կսահմանափակվի։
17:50
12 Հունվարի 2018
«Զվարթնոց» օդանավակայանն անցել է բնականոն աշխատանքի
Այսօր անբավարար տեսանելիության հետևանքով օդավանակայանում ուշացումներ էին։
17:44
12 Հունվարի 2018
5 հայեր 12 ժամ անցկացրել են Բաքվի օդանավակայանում (ՎԻԴԵՈ)
5 հայ, որից երկուսը ԱՄՆ քաղաքացիներ և մեկ 5–ամյա երեխա, հայտնվել են Բաքվի օդանավակայանում։
16:58
12 Հունվարի 2018
Երևանում ոստիկանները բռնի ուժ են կիրառել քաղաքացիների նկատմամբ, քրեական գործ է հարուցվել
Երևանում ոստիկանները բռնի ուժ են կիրառել քաղաքացիների նկատմամբ:
16:51
12 Հունվարի 2018
«Զվարթնոց» օդանավակայանում չվերթեր են ուշանում վատ եղանակային պայմանների պատճառով
Մասնավորապես, ուշանում են Մոսկվա–Երևան, Թբիլիսի–Երևան չվերթերը, ինչպես նաև Երևան–Վորոնեժ, Երևան–Մոսկվա չվերթերը:
12:46
12 Հունվարի 2018
Օդերևութաբանները Երևանում ձյուն և սառնամանիք են խոստանում
Հայհիդրոմետկենտրոնը ներկայացրել է առաջիկա օրերի եղանակի կանխատեսումը։
11:52
12 Հունվարի 2018
Նոր հարկատեսակ Էջմիածնում. վճարիր, հետո միայն մեռիր
Էջմիածնի քաղաքապետ Կարեն Գրիգորյանը հարկահավաքի նոր մեթոդ է մտածել։
10:39
12 Հունվարի 2018
Վարդենյաց լեռնանցքը և Ստեփանծմինդա-Լարս ավտոճանապարհը փակ են
Ուրբաթ ժամը 08:30-ի դրությամբ ՀՀ տարածքում կան փակ և դժվարանցանելի ավտոճանապարհներ:
08:00
12 Հունվարի 2018
Հինգշաբթի` հունվարի 11-ի առավել ուշագրավ նորությունները
«Նովոստի-Արմենիա» գործակալությունը ներկայացնում է հինգշաբթի` հունվարի 11-ի առավել ուշագրավ նորությունների իր տարբերակը:
15:19
11 Հունվարի 2018
Ձմեռը հիշել է, որ ձմեռ է. սպասվում է ձյուն և ջերմաստիճանի կտրուկ նվազում
Տեղումներ են սպասվում Հայաստանի մարզերում և Երևանում։