ԵՐԵՎԱՆ, 5 հունիսի./Նովոստի–Արմենիա/. ՀՀ ԿԳ նախարար Արայիկ Հարությունյանն այսօր ԱԺ–ում նշեց, որ հիմա լուրջ քննարկում է ԿԳ նախարարի երրորդ տեղակալի պաշտոնում նշանակել մի մարդու, ով Հանրապետական կուսակցության անդամ է։
«Որևէ մեկը կուսակցական պատկանելիության հետ կապված չի հեռացվելու աշխատանքից։ Կուսակցական պատկանելիությունը սահմանադրությամբ ամրագրված իրավունք է, և այստեղ որևէ մեկը նման քայլի չի կարող դիմել, եթե տվյալ անձն օրենքով պատժելի արարք չի արել։ Ասեմ ավելին` ես հիմա շատ լուրջ քննարկում եմ ԿԳ նախարարի երրորդ տեղակալի պաշտոնում նշանակել մի մարդու, ով Հանրապետական կուսակցության անդամ է», – ասաց նախարարը։
Загружается новость ... "Лево"
Նա նաև նշեց, որ հիմա չի բարձրաձայնի, որովհետև թեկնածուներ են քննարկվում։
«Եվ այստեղ ես որևէ խնդիր չունեմ, քանի որ նախկինում շատ հաճախ մարդիկ ստիպված են եղել համակարգում աշխատելու համար կուսակցականացվել։ Եթե մարդը ցանկանում է լինել որևէ կուսակցության անդամ, ապա նա կարող է լինել, իհարկե իր աշխատանքից դուրս, և նա չպետք է այդ քաղաքականությունը բերի դպրոցներ, քանի որ մենք տեսել եք, թե այդ ամենն ինչ վատ հետևանքներ է ունենում դպրոցի համար», – ընդգծեց նախարարը։–0–
