ԵՐԵՎԱՆ, 2 հոկտեմբերի./Նովոստի–Արմենիա/. Վերջին զարգացումներից հետո 2018 թվականի դեկտեմբերին տեղի են ունենալու արտահերթ խորհրդարանական ընտրություններ, այսօր ԱԺ–ում հայտարարեց ՀՀ վարչապետ Նիկոլ Փաշինյանը։
«Հայաստանում հաստատված է ուղիղ ժողովրդական իշխանություն։Եվ եթե պարզվի, որ ես վարչապետի կարգավիճակում ժողովրդի ներկայացուցիչը չեմ, ուրեմն ընտրություններ տեղի չեն ունենա։ Եթե պարզվի, որ ես վարչապետի կարգավիճակում ժողովրդի ներկայացուցիչն եմ, ուրեմն ընտրություններ կլինեն», - հայտարարեց Նիկոլ Փաշինյանը։
«Հիմա, եթե հարց է գնում` հակահեղափոխություն կա, թե չկա, կարող ենք պաշտոնապես արձանագրել, որ ՀՀ-ում կա հակահեղափոխություն, և Հայաստանում հակահեղափոխական են այն ուժերը, ովքեր պաշտպանել են և պատրաստվում են պաշտպանել այդ նախագիծը.ինձ հավաստիացնում են, որ դա 3 քաղաքական ուժերի կողմից ներկայացված նախագիծ է: Այն պատգամավորը, ով կաջակցի այդ նախագծին, ինքը ցանկանում է, որ կոռուպցիոն նախագիծը հասնի ռևանշի կառավարության նկատմամբ, մենք, բնականաբար, դա թույլ չենք տա»,- նշեց նա:
Այսօր ՀՀ վարչապետն այցելել էր ԱԺ, որպեսզի հանդիպի ԱԺ նախագահ Արա Բաբլոյանի հետ և քննարկի «ԱԺ–ի կանոնակարգի մասին» օրենքում նախատեսված փոփոխությունները, որոնք առաջարկել է ՀՀԿ–ն։
Փոփոխությունների էությունն այն է, որ նոր կարգավորումն անդրադառնում է երկու ասպեկտների. եթե նիստը չի կարող կայանալ, քանի որ ոչ ապահովվել քվորում և եթե նիստն անցկացնելու համար առկա է անհրաժեշտ քվորում, ապա ստեղծվում են խոչընդոտներ պատգամավորների մասնակցության համար կամ ի հայտ են եկել հանգամանքներ, որոնց պատճառով խոսնակի գործողություններն արդյունք չեն տալիս։ Այդ դեպքում առաջարկվում է դադարեցնել նիստն ու շարունակել առաջացած հանգամանքների վերացումից հետո։–0–
