ԵՐԵՎԱՆ, 2 սեպտեմբերի./Նովոստի–Արմենիա/. ՀՀ վարչապետ Նիկոլ Փաշինյանը, Facebook –յան իր էջում կազմակերպված ուղիղ եթերի ժամանակ պատասխանելով քաղաքացիների հարցերին, նշեց, որ Երևանում աղբահանության համակարգը վստահված է Sanitek ընկերությանը, որն ակնհայտ կերպով ձախողել է այդ գործընթացը։
«Փաստացի, քաղաքում ստեղծվել է մենաշնորհ, և մինչ օրս այդ գործընթացի կառավարումը չի իրականացվել պատշաճ կերպով», – ասաց նա։
Օգոստոսի սկզբին Երևանի քաղաքապետարանը 25 հազ. դոլարով տուգանեց Sanitek ընկերությանը վատ աղբահանություն իրականացնելու համար։ Ընկերությունը նաև զգուշացվել է, որ պայմանագրի համաձայն ծառայությունները չկատարելու դեպքում կկիրառվեն ավելի խիստ միջոցներ։
Загружается новость ... "Лево"
Այս կապակցությամբ վարչապետը նշեց, որ Sanitek ընկերության ներկայացուցիչները հայտարարել են, որ պատրաստվում են հինգ ստանալ աղբահանությունից։
«Սակայն հարկավոր են կոնցեպտուալ վերանայումներ։ Տարբերակներից մեկն է աղբահանությունը վստահել ոչ թե մեկ, այլ մի քանի ընկերությունների», – ասաց նա։
Սակայն, ըստ վարչապետի, խնդիրն այն է, որ քաղաքի աղբը տեղափոխվում է և կուտակվում է մի վայրում` աղբանոցում։
«Այդ պատճառով հիմնական խնդիրն է ունենալ աղբի վերամշակման գործարան։ Այսօր կարելի է ասել, որ կան մի քանի ընկերություններ, որոնք հետաքրքրված են այդ հարցով, և ես հուսով եմ, որ մեզ կհաջողվի գտնել վստահելի գործընկեր, ով կկազմակերպի աղբահանություն ոչ միայն քաղաքում, այլև ողջ հանրապետությունում», – ընդգծեց նա։
Այս կապակցությամբ Փաշինյանը հայտարարեց, որ ներկա իրավիճակն անընդունելի է, և դրա պատասխանատվությունն ընկած է Sanitek ընկերության վրա և ստեղծված իրավիճակը քաղաքապետարանի անհեռատես քաղաքականության հետևանքն է։
«Ընդհանուր առմամբ, վերջին օրերի իմ դիտարկմամբ ուզում եմ նշել, որ Հայաստանում, ցավոք, քիչ չեն այն մարդիկ, ովքեր նստարաններին նստած կարող են չրթել արևածաղիկ և կճեպը թքել ասֆալտի վրա, գցել ծխախոտի մնացորդները, ուտել ինչ–որ բան և աղտոտել շուրջ բոլորը։ Ընդհանուր առմամբ, հեղափոխության տրամաբանությունն է ոչ միայն պահանջել խնդրի լուծում, այլև անձամբ որևէ բան անել այդ խնդրի լուծման համար։ Եվ այս դեպքում ամոթ չէ վերանայել մեր վերաբերմունքն աղբի նկատմամբ։ Եթե մենք ինչ–որ բան ենք տեսնում ոտքի տակ, կարելի է վերցնել աղբն ու նետել այն աղբաման», – նշեց ՀՀ վարչապետը։
Հուլիսի վերջից երևանցիները բողոքում են, որ քաղաքով մեկ նկատվում են աղբի հսկայական կուտակումներ, իսկ համապատասխան ծառայությունները նորմալ չեն աշխատում։ ԶԼՄ–ները տեղեկացնում էին, որ աղբահանության հետ կապված խնդիրները սաբոտաժ են և ունեն քաղաքական ենթատեքստ։
Սակայն Sanitek ընկերություն հերքեց այդ տեղեկությունները` նշելով, որ աղբահանությունը Երևանում միշտ իրականացվել և իրականացվելու է Երևանի քաղաքապետարանի հետ կնքված պայմանագրի համաձայն, իսկ առկա բացթողումները ֆիքսվում են և միջոցներ են ձեռնարկում աղբահանության աշխատանքների արդյունավետության բարձրացման ու առկա խնդիրները շտկելու ուղղությամբ։–0–