ՀՀ նախագահը շնորհավորել է Մեդվեդևին ծննդյան օրվա կապակցությամբ

ԵՐԵՎԱՆ, 14 սեպտեմբերի. /Նովոստի-Արմենիա/. Չորեքշաբթի ՀՀ նախագահ Սերժ Սարգսյանը շնորհավորական ուղերձ է հղել Ռուսաստանի Դաշնության կառավարության նախագահ Դմիտրի Մեդվեդևին՝ ծննդյան օրվա առթիվ:

Ինչպես հաղորդեցին են նախագահի մամուլի ծառայությունից, շնորհավորական ուղերձում մասնավորապես նշվում է, որ Մեդվեդևի պետական և քաղաքական գործունեության հարուստ փորձը, դրված նպատակներին հասնելու կարողությունը՝ ի շահ Ռուսաստանի Դաշնության սոցիալ-տնտեսական զարգացման, արժանացրել է նրան վաստակած հարգանքի հայրենակիցների շրջանում և արտերկրում:

ՀՀ նախագահի խոսքով, անվիճելի է Մեդվեդևի անձնական ներդրումը Հայաստանի և Ռուսաստանի միջև դաշնակցային հարաբերությունների ամրապնդման գործում:

«Վստահ եմ, որ մեր երկրների բազմակողմանի համագործակցության ներկապնակի հարստացմանը, ինչպես նաև առևտրատնտեսական, ներդրումային և մշակութային-հումանիտար ոլորտներում ռազմավարական պայմանավորվածությունների իրականցմանն ուղղված հետագա համատեղ ջանքերն ու նոր հեռանկարային ծրագրերի մշակումն ամբողջությամբ բխում են մեր պետությունների ժողովուրդների բարեկամության հետագա ամրապնդման շահերից», - նշել է Սարգսյանը:

ՀՀ նախագահը մաղթել է Մեդվեդևին քաջառողջություն, երջանկություն և նորանոր հաջողություններ: -0-