ԵՐԵՎԱՆ, 14 հունվարի. /Նովոստի-Արմենիա/. Ազգային ժողովի պատգամավոր, «Բարգավաճ Հայաստան» կուսակցության առաջնորդ Գագիկ Ծառուկյանը երկուշաբթի մեկնաբանել է իր թիկնազորի նախկին պետ Էդուարդ Բաբայանի պատգամավոր նշանակվելու փաստը:
«Ես չեմ իրեն բերել (խորհրդարան), ժողովուրդն է բերել`տալով ձայներ», - հայտարարեց նա:
Ծառուկյանը նշեց նաև, որ Բաբայանն արդեն երկար ժամանակ իր թեկնիզորի պետը չէ, այլ աշխատում է որպես Ազգային օլիմպիական կոմիտեի նախագահի օգնական:
«Իմ թիկնազորի պետն Արամ Սարգսյանն է», - հիշեցրեց Ծառուկյանը:
Загружается новость ... "Лево"
Բաբայանի հետ կապված սկանդալ. ինչպես է դա եղել
Էդուարդ Բաբայանը մի խումբ անձանց կողմից ծանր մարմնական վնասվածք հասցնելու գործի (112-րդ հոդվածի 2-րդ մասի 6-րդ կետ, դիտավորությամբ առողջությանը ծանր վնաս պատճառելը մի խումբ անձանց կամ կազմակերպված խմբի կողմից ) հիմնական դերակատարներից է:
2018 թվականի հուլիսի 2-ին Բաբայանը մի խումբ անձանց հետ ծեծի է ենթարկել քաղաքացի Վ. Հարությունովին`պատճառելով կյանքին վտանգ սպառնացող ծանր վնաս` գլխուղեղի ցնցման, դեմքի և կրծքավանդակի վնասվածքների, կողոսկրի կոտրվածքի և աջակողմյան պնևմոթորաքսի ձևով` ուղեկցված սուր շնչառական անբավարարությամբ։
Հուլիսի 5–ին ՀՀ հատուկ քննչական ծառայության քննիչի կողմից միջնորդություն է ներկայացվել դատարան`Էդուարդ Բաբայանի նկատմամբ կալանավորումը որպես խափանման միջոց ընտրելու համար: Հուլիսի 6–ին դատարանի կողմից միջնորդությունը բավարարվել է։ Բաբայանը կալանավորվել է: Օգոստոսին Բաբայանն ազատ է արձակվել կալանքից 20մլն դրամ գրավի դիմաց։–0–