Բողոքող ուսանողները կքննարկեն իրենց պահանջները պատգամավորների հետ

15:03

15 Նոյեմբերի 2017

ԵՐԵՎԱՆ, 15 նոյեմբերի. /Նովոստի Արմենիա/. Տարկետման իրավունքի սահմանափակման դեմ բողոքող ուսանողներից հինգը հրավիրվել են խորհրդարանի շենք` հարցի լուծման ուղիները քննարկելու համար։

Ինչպես ավելի վաղ հայտնել է «Հանուն գիտության զարգացման» նախաձեռնության ներկայացուցիչ Դավիթ Պետրոսյանը, նրանք մտադիր են օրենքը ընդունած պատգամավորների հետ քննարկել հանրության լայն շրջանակի մասնակցության հնարավորությունը հարցի քննարկմանը։

Загружается новость ... "Лево"

«Մեր հետագա անելիքները կախված են լինելու նրանց պատասխանից», – ընդծել է Պետրոսյանը։

ՀՀ ԱԺ պատգամավորները չորեքշաբթի երկրորդ և վերջնական ընթերցմամբ ընդունեցին «Զինվորական ծառայության և զինծառայողի կարգավիճակի մասին» աղմկահարույց օրենքը։

Օրինագծին «կողմ» քվեարկեց 86 պատգամավոր` ԱԺ–ի գրեթե բոլոր խմբակցությունները բացի 6 պատգամավորից, ովքեր «Ելք» ընդդիմադիր խմբակցությունից են։

Նոր օրինագծով առաջարկվում է պարտադիր զինվորական ծառայության զորակոչից ուսումնառության նպատակով տարկետում տրամադրել միայն այն դեպքում, եթե Հայաստանում հավատարմագրված բարձրագույն ուսումնական հաստատություններում բակալավրի, կամ դիպլոմավորված մասնագետի, կամ ինտեգրված կրթական ծրագրով սովորող քաղաքացին պաշտպանության նախարարության հետ կնքում է քաղաքացիաիրավական բնույթի պայմանագիր՝ ուսումնառության ընթացքում ռազմական պատրաստություն անցնելու և ուսումնառության ավարտից հետո պաշտպանության նախարարության կողմից նշված վայրում և պայմաններում զինվորական ծառայություն անցնելու մասին, սակայն այս պարագայում այդ ուսանողները 2-ի փոխարեն կծառայեն 3 տարի ժամկետով։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#ուսանողներ #բողոք #պահանջներ #պատգամավորներ #հանդիպում

Թեմատիկ նյութեր