Աշոտյանը մտահոգություն է հայտնել նոր կառավարության անդամների գործունեության կապակցությամբ

ԵՐԵՎԱՆ, 22 մայիսի./Նովոստի–Արմենիա/. ՀՀԿ խմբակցության պատգամավոր , ՀՀ ԱԺ արտաքին հարաբերությունների մշտական հանձնաժողովի ղեկավար Արմեն Աշոտյանը մտահոգություն է հայտնել նոր կառավարության անդամների գործունեության կապակցությամբ։

«Ինձ համար մտահոգիչ է, երբ երկրի գործադիր իշխանության ղեկավարը լրատվական միջոցներով հայտնում է, որ երբ հորդորի տեղական ինքնակառավարման մարմնի ղեկավարներին հրաժարական տալ, նրանք պետք է հրաժարական տան: Ինձ մտահոգում է, երբ ԿԳ նախարարն իր աշխատասենյակից զբաղվում է կուսակցական գործունեությամբ՝ հորդորելով մարդկանց դուրս գալ քաղաքական ուժից և անցկացնում է քաղաքական կոնսուլտացիաներ», – ասաց նա։

Նրա խոսքով, մարդիկ, ովքեր դարձել են ՀՀԿ անդամ, գիտեն, թե ինչպես դուրս գալ կուսակցությունից։

Պատգամավորը նաև սահմանադրականության խնդիր է տեսնում, երբ վարչապետը դիմում է պաշտպանության նախկին նախարարին` կոչ անելով հրապարակավ կարծիք չարտահայտել։–0–