ԵՐԵՎԱՆ, 6 հունիսի. /Նովոստի–Արմենիա/. ԱՊՀ տարածքում կիրիլիցային վերադառնալու մասին ՌԴ կրթության և գիտության նախարար Օլգա Վասիլևայի առաջարկը չի վերաբերում Հայաստանին, «Նովոստի–Արմենիա» գործակալությանը երեքշաբթի ասաց ՀՀ կրթության և գիտության նախարարի մամուլի խոսնակ Լուսինե Մարգարյանը։
«Հայաստանը նման առաջարկներ չի ստացել», – հայտնեց Մարգարյանը։
Նշենք, որ ՌԴ կրթության և գիտության նախարար Օլգա Վասիլևան առաջարկել է վերադառնալ միասնական տառատեսակին` կիրիլիցային, ԱՊՀ–ի տարածքում` հայտարարելով, որ «ինչպես ցույց են տալիս հարցումները, մերձավոր արտասահմանի բնակչությունը խոսում է կիրիլիցային կապվածության ու անհրաժեշտության մասին»։
ԽՍՀՄ փլուզումից հետո Ուզբեկստանում, Թուրքմենստանում, Ադրբեջանում կիրիլիցայից անցում են կատարում լատինատառ տառատեսակին։ Ղազախստանի իշխանությունները հայտարարել են, որ 2025 թ.–ից երկիրն ամբողջովին կանցնի լատինատառ տառատեսակին։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում