487.42
-0.56
573.79
-3.88
8.14
+0.05
+6
Եղանակը Երևանում
Հայ
ԱԱԾ–ն ներկայացնում է Մեղրիի մաքսակետում 105 կգ հերոինի ներկրման փորձի մանրամասները (ՎԻԴԵՈ)
11:12
13 Նոյեմբերի 2017

ԵՐԵՎԱՆ, 13 նոյեմբերի. /Նովոստի–Արմենիա/. ՀՀ ԱԱԾ քննչական վարչությունում հարուցվել է քրեական գործ Իրանից առանձնապես խոշոր չափերով «հերոին» տեսակի թմրամիջոցի Հայաստան ներկրման դեպքի առթիվ։

ԱԱԾ մամուլի ծառայության հաղորդմամբ, նշված դեպքի առթիվ ՀՀ ԱԱԾ քննչական վարչությունում 2017թ. հուլիսի 10-ին հարուցվել է քրեական գործ, և կատարվում է նախաքննություն։

«Ազգային անվտանգության ծառայությունը համապատասխան օպերատիվ և քննչական գործողություններ իրականացնելուց հետո, նախաքննական գաղտնիքն ապահովելով, այս փուլում արդեն իսկ նպատակահարմար է գտնում հանրությանը իրազեկել, որ 105 կգ 100 գ բրուտտո և 101 կգ 830 գ 160 մգ նետտո քաշով «հերոին» տեսակի թմրամիջոցն Իրանից փաթեթավորվել է թվով 204 բրիկետների մեջ, թաքցվել օտարերկրյա կազմակերպության անվամբ հաշվառված բեռնատարին ամրակցված կցորդի դիմային աջակողմյան հատվածում հատուկ հարմարեցված թաքստոցում, և գործով դեռևս չպարզված՝ ազգությամբ քուրդ երեք անձանց կողմից նշված բեռնատարի վարորդ՝ միջազգային բեռնափոխադրումներով զբաղվող Թուրքիայի Հանրապետության քաղաքացուն համապատասխան վարձատրության դիմաց պատվիրվել է այն Հայաստանի տարածքով փոխադրել Վրաստան», – հաղորդում է գերատեսչությունը։

Загружается новость ... "Лево"

2017թ. հուլիսի 9-ին նշված բեռնատարը հատել է ՀՀ պետական սահմանը և մտել «Մեղրի» մաքսակետ, սակայն տարանցիկ եղանակով Հայաստանի տարածքով առանձնապես խոշոր չափերով թմրամիջոցը մաքսանենգ ճանապարհով տեղափոխելու փորձը կանխվել է։

«Թմրամիջոցի մաքսանենգությանը ՀՀ քաղաքացիների մասնակցության վերաբերյալ տվյալներ ներկայումս ձեռք չեն բերվել, և ըստ նախնական տեղեկությունների՝ թմրամիջոցի նշված խմբաքանակը նախատեսված է եղել հետագայում ջրային տրանսպորտով տեղափոխել Եվրոպա՝ թմրաբիզնեսի անդրազգային հանցավոր խմբավորման կողմից վերահսկվող ուղղությամբ», – նշվում է հաղորդագրության մեջ։

Թմրամիջոցը փոխադրողին մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով (թմրամիջոցների կամ հոգեներգործուն նյութերի ապօրինի շրջանառությունը դրանք իրացնելու նպատակով) և 267.1-րդ հոդվածի 4-րդ մասի 1-ին կետով (թմրամիջոցներ կամ հոգեներգործուն նյութեր արտադրելու, ձեռք բերելու, պահելու, հաշվառելու, բաց թողնելու, փոխադրելու կամ առաքելու կանոնները խախտելը), նրա նկատմամբ որպես խափանման միջոց է կիրառվել կալանավորումը:

Գերատեսչության հաղորդմամբ, քրեական գործով ապահովվել է մեղադրյալի պաշտպանության իրավունքը, նախաքննական մարմնի կողմից ՀՀ ԱԳՆ միջոցով սահմանված կարգով իրազեկվել են Թուրքիայի իշխանությունները` այդ երկրի քաղաքացու ձերբակալման մասին:

«Առաջադրված մեղադրանքում մեղադրյալն իրեն մեղավոր է ճանաչել և տվել է դեպքի հանգամանքների վերաբերյալ ցուցմունքներ: Քննությամբ ձեռք բերված վերոհիշյալ տեղեկությունները ստուգելու և մաքսանենգության մյուս մասնակիցների՝ առաքողների ու դրա հասցեատերերի ամբողջական շրջանակը պարզելու ուղղությամբ իրականացվում են բազմաթիվ քննչական գործողություններ և մեծածավալ օպերատիվ-հետախուզական միջոցառումներ, իրավական օգնություն ցուցաբերելու պահանջներ են ուղարկվել վերը նշված մաքսանենգության դեպքին առնչվող երկրների իրավապահ մարմիններին», – նշվում է ԱԱԾ–ի հաղորդագրության մեջ։

Քրեական գործով նախաքննությունը շարունակվում է։

Загружается новость ... "Право"

Գերատեսչությունը նաև տեղեկացնում է, որ վերը նշված դեպքից բացի, 2017 թվականի ինը ամիսների ընթացքում Ազգային անվտանգության ծառայության քննչական վարչությունում քննվել են առանձնապես խոշոր չափերով թմրամիջոցների մաքսանենգության 8 դեպքի վերաբերյալ քրեական գործեր, որոնցով, ընդհանուր առմամբ, հայտնաբերվել և առգրավվել են շուրջ 2 կգ «հերոին», 14 կգ «ափիոն» և 3 կգ «մետամֆետամին»:

Մաքսանենգ ճանապարհով առանձնապես խոշոր չափերով թմրամիջոցները Հայաստանի Հանրապետություն են ներկրվել Իրանի Իսլամական Հանրապետությունից՝ 3 դեպքում, Ամերիկայի Միացյալ Նահանգներից՝ 1 դեպքում, Թուրքիայից և Նիդեռլանդներից 1-ական դեպքերում։ Ընդ որում, Իրանի Իսլամական Հանրապետությունից ներկրվել են «մետամֆետամին», «ափիոն» և «հերոին», ԱՄՆ-ից՝ «մետամֆետամին», Թուրքիայից՝ «մետամֆետամին» և «հերոին», Նիդեռլանդներից՝ «հերոին», և բոլոր դեպքերում թմրամիջոցները մաքսանենգ ճանապարհով ՀՀ են ներկրվել մաքսային հսկողությունից թաքցնելու եղանակով։

Վերը նշված 8 դեպքերից 2-ը Հայաստանից Կանադա մաքսանենգությամբ թմրամիջոցի արտահանման փորձ է, ընդ որում՝ նախատեսված է եղել նշված երկիր արտահանել շուրջ 8.5 կգ «ափիոն» տեսակի թմրամիջոց՝ փոստային առաքման միջոցով, սակայն Հայաստանի Հանրապետության տարածքը, որպես տարանցիկ ուղի օգտագործելու անդրազգային հանցավոր խմբավորումների այդ փորձերը նույնպես ձեռնարկված օպերատիվ-հետախուզական միջոցառումների շնորհիվ կանխվել են:

Հարուցված քրեական գործերով որպես մեղադրյալ ներգրավվել է 15 անձ, որից 7-ը` ՀՀ, իսկ 8-ը՝ ԻԻՀ քաղաքացիներ: Նշված քրեական գործերից 7-ը մեղադրական եզրակացությամբ 13 անձի վերաբերյալ ուղարկվել է դատարան։

Հայտնաբերված և առգրավված թմրամիջոցները ճանաչվել են իրեղեն ապացույց և հանձնվել պատասխանատու պահպանման՝ մինչև ՀՀ քրեական դատավարության օրենսգրքով սահմանված կարգով դրանց հարցի լուծման վերաբերյալ դատական ակտերի կայացումը։

Նշված քրեական գործերով բացահայտված առանձնապես խոշոր չափերով թմրամիջոցների մաքսանենգության հիմնական եղանակներն են տրանսպորտային միջոցների, սարքավորումների հատուկ հարմարեցված թաքստոցներում, ճամպրուկների նախապես պատրաստված կրկնահատակներում, սննդամթերքի տարաներում կամ փաթեթներում թաքցնելը, ինչպես նաև թմրամիջոցները փոստային և սուրհանդակային առաքումների միջոցով ուղարկելը և ստանալը։

«Թմրամիջոցների մաքսանենգության դեպքերը կանխարգելելու, դրա դեմ տարվող պայքարի արդյունավետությունը բարձրացնելու նպատակով Ազգային անվտանգության ծառայությունը համագործակցում է ՀՀ իրավապահ մյուս մարմինների, ինչպես նաև օտարերկրյա պետությունների իրավասու ծառայությունների հետ», – նշվում է հաղորդագրության մեջ։–0–


Loading...
Թեմատիկ նյութեր
Բաժնի այլ նյութեր
22:19
16 Նոյեմբերի 2017
Երկրորդ երկրաշարժն Ադրբեջանում մեկ օրում. այն զգացվել է նաև Արցախում
Ստորգետնյա ցնցման ուժգնությունն էպիկենտրոնում կազմել է 4-5 բալ:
18:37
16 Նոյեմբերի 2017
Նիդեռլանդների սենատի ղեկավար. խորապես ցնցված եմ այն տառապանքներից, որոնք կրել է հայ ժողովուրդը (ՖՈՏՈ)
Նիդեռլանդների Թագավորության Սենատի նախագահ Անկի Բրուկերս-Քնոլը այցելել է Ծիծեռնակաբերդի հուշահամալիր։
15:46
16 Նոյեմբերի 2017
Հայաստանի կառավարությունը հավանություն տվեց ընտանեկան բռնության կանխարգելման աղմկահարույց օրինագծին
Հայասստանի կառավարությունը հինգշաբթի նիստում փոփոխություններ և լրացումներ կատարեց ընտանեկան բռնության մասին օրենքում։
15:40
16 Նոյեմբերի 2017
ՀՀ–ում առաջին անգամ է ամրագրվում, որ ամուսնություն կարող է կայանալ միայն կնոջ և տղամարդու միջև
Օրենսգրքում առաջին անգամ ամրագրվում է, որ ամուսնություն կարող է կայանալ միայն կնոջ և տղամարդու միջև։
14:22
16 Նոյեմբերի 2017
Երթևեկի փոփոխություն Մոլդովական, Թոթովենցի և Բագրևանդի փողոցների խաչմերուկում (ՍԽԵՄԱ)
Երթևեկի փոփոխություն է նախատեսված Մոլդովական, Թոթովենցի և Բագրևանդի փողոցների խաչմերուկում։
12:26
16 Նոյեմբերի 2017
ՀՀ–ն հավանություն տվեց Ռուսաստանի հետ 100 մլն դոլարի պաշտպանական վարկի համաձայնագրին
Վարկը կտրամադրվի տարեկան 3% տոկոսադրույքով 15 տարի մարման ժամկետով։
11:01
16 Նոյեմբերի 2017
Երթևեկի փոփոխություն` Տիգրան Մեծի պողոտա-Մհեր Մկրտչյան փողոցում (ՍԽԵՄԱ)
Երթևեկի փոփոխություն է նախատեսվում Տիգրան Մեծի պողոտա-Մհեր Մկրտչյան փողոց խաչմերուկի հետիոտնային անցման հատվածում։
08:00
16 Նոյեմբերի 2017
Չորեքշաբթի` նոյեմբերի 15–ի առավել ուշագրավ նորությունները
«Նովոստի–Արմենիա» գործակալությունը ներկայացնում է չորեքշաբթի` նոյեմբերի 15–ի առավել ուշագրավ նորությունների սեփական տարբերակը։
20:58
15 Նոյեմբերի 2017
Պլանշետներ դասագրքերի փոխարեն կամ նորամուծություն հայկական դպրոցներում
Հայ աշակերտները մոտ ապագայում, հնարավոր է, դպրոց գնան պլանշետներով դասագրքերի փոխարեն:
17:45
15 Նոյեմբերի 2017
Երևանի երգող շատրվանները լռել են
Երևանի 35 շատրվանների և ջրային այլ կառույցների աշխատանքը դադարեցվել է:
17:13
15 Նոյեմբերի 2017
Հայ ուսանողները դադարեցնում են պարապմունքների բոյկոտը
Հայ ուսանողները դադարեցնում են բոյկոտել պարապմունքները և կպատրաստվեն նոր քննարկումների։
15:06
15 Նոյեմբերի 2017
ՀՀ իշխանությունները դայակներին հարկային դաշտ բերելու խնդիր չեն դնում, օրենքը կամավոր կլինի
Պետությունը պատրաստ է վճարել դայակի աշխատավարձի 50%–ը, սակայն այդ գումարը չպետք է գերազանցի նվազագույն աշխատավարձը` 55 հազար դրամը։