Ամերիաբանկի օգնությամբ այսուհետ հնարավոր է կնքել ԱՊՊԱ պայմանագիրն առցանց (ՎԻԴԵՈ)
17:26
13 Մարտի 2019
ԵՐԵՎԱՆ, 13 մարտի. /Նովոստի-Արմենիա/. Ամերիաբանկն առաջարկում է ԱՊՊԱ պայմանագրի օնլայն կնքում մի քանի րոպեում, հայտնում է բանկի մամուլի ծառայությունը։
Այն արագ է ու հարմար և իրականացվում է ընդամենը 5 պարզ քայլի միջոցով.
· Պետք է մուտք գործել Ամերիաբանկի կայք:
· Անցնել առցանց ԱՊՊԱ-ի կնքման` համապատասխան հղումով:
· Տվյալների որոնման համար մուտքագրել անձը հաստատող փաստաթղթի համարը և մեքենայի հաշվարման համարանիշը, որից հետո համակարգը ավտոմատ կներմուծի ձեր անձնական տվյալները:
· Ընտրել մեքենայի շահագործման նպատակը, լրացրնել ձեր բջջային հեռախոսահամարը, էլեկտրոնային փոստը: Անհրաժեշտության դեպքում ընտրել ԱՊՊԱ-ի ժամկետը:
· Ընտրել ապահովագրական ընկերությունը, հաստատեք մուտքարված տվյալները և ավարտեք վճարումը։
Նշվում է նաև, որ ԱՊՊԱ-ի պայմանագրի վկայագիրը և վճարման անդորագիրը անմիջապես կուղարկվեն ձեր կողմից նշված էլեկտրոնային փոստի հասցեին:
Բանկից հայտնում են, որ առցանց ԱՊՊԱ-ն 5 տոկոսով ավելի մատչելի է:
«Ամերիաբանկ» ՓԲԸ–ն Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007թ-ից` տրամադրում է նորարարական բանկային ծառայությունների լայն տեսականի: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Լրացուցիչ տեղեկությունների համար կարող եք այցելել www.ameriabank.am:–0-
Այսօր Ֆրանսիան նշում է 1915 թվականի Հայոց ցեղասպանության 109-րդ տարելիցը: Եկեք պահպանենք զանգվածային սպանությունների, տեղահանությունների և հալածանքների զոհերի հիշատակը, գրել է Մակրոնը