ԵՐԵՎԱՆ, 14 փետրվարի./Նովոստի–Արմենիա/. А1+ հեռուստաընկերությունը մտադիր է մասնակցել Հեռուստատեսության և ռադիոհեռարձակման ազգային հանձնաժողովի կողմից անցկացվող հեռուստահաճախականության մրցույթին։ Այդ մասին «Առավոտ»–ին տված
հարցազրույցում ասել է ընկերության հիմնադիր և տնօրեն Մեսրոպ Մովսեսյանը։
«Դեռ այդ առնչությամբ որևէ գործընթաց չի սկսվել: Թեև մտահոգված ենք «Ա1+»–ի ապագայով, և թիմը լրջորեն պատրաստվում է մասնակցելու մրցույթի: Այն, որ «Ա1+»– ի թիմը մասնակցելու է՝ միանշանակ է: 17 տարի սպասելուց հետո՝ այդ հնարավորությունը բաց թողնելը սխալ կլինի»,– ասաց նա։
2002 թվականին Հեռուստատեսության և ռադիոհեռարձակման ազգային հանձնաժողովը «Շարմ» ընկերությանը հաղթող է ճանաչել 37–րդ դեցիմետրային ալիքում հեռարձակման իրավունքի մրցույթում, ինչի հետևանքով այդ հաճախականության վրա հինգ տարի հեռարձակվող А1+ ընդդիմադիր հեռուստաընկերությունը զրկվել էր եթերից, ինչը դժգոհության ալիք էր բարձրացրել ընդդիմության շրջանում։
Մովսեսյանը նաև հայտնել է Հայաստանի Հանրային հեռուստառադիոընկերության խորհրդի նախագահի պաշտոնում առաջադրվելու մտադրության մասին։
2019 թվականին ավարտվում են Հանրային հեռուստառադիոընկերության խորհրդի նախագահ Ռուբեն Ջաղինյանի լիազորությունները, ինչի կապակցությամբ 2018 թվականի օգոստոսին ձևավորվել է հինգ անդամներից բաղկացած մրցութային հանձնաժողով թափուր աշխատատեղի թեկնածուի ընտրություն անցկացնելու նպատակով։
«Մրցույթին մասնակցությունս պայմանավորված կլինի, թե ինչ պայմաններով կհայտարարվի, ովքեր կմասնակցեն: Բայց երևի կմասնակցեմ՝ կփորձեմ իմ ուժերը բոլոր թեկնածուների հետ: Դա ինձ շատ հետաքրքիր է: Մնացածը կորոշի հանրությունը»,– ասել է Մովսեսյանը։
Նա միաժամանակ նշել է, որ մրցույթին մասնակցելը չի նշանակում հրաժարվել А1+ հեռուստաընկերության հետագա ճակատագրից։
««Ա1+»-ն իմ զավակն է: Բայց այն վաղուց արդեն չափահաս է՝ «Ա1+»-ը նորմալ ընթացքի մեջ է, աշխատում է, կառավարումն արդեն փայլուն է իրականացվում՝ առանց ինձ էլ: Եղավ դժվար շրջան, որը հաղթահարեցինք և միանշանակ շարժվելու ենք առաջ: Եվ ես հիմա նույնիսկ կարող էի հանգստի անցնել, բայց այլ մտադրություն ունեմ, քանի որ մտահոգված եմ այն ամենով, ինչ կատարվում է այս ոլորտում»,– ասել է նա։
Загружается новость ...
"Право"
Ընկերության տնօրենը հետաքրքիր գաղափար է համարում մրցույթի մասնակցությունը` հաշվի առնելով այն, որ այժմ հեռուստատեսութւյունը փոփոխությունների փուլում է և դժվարություններ ունի հանրային հեռարձակողի գործառույթների կատարման հարցում։
«Ու թերևս արժե, որ Հայաստանը վերջապես ունենա իրական հանրային հեռուստատեսություն: Այս առնչությամբ ծրագրեր ունեմ, ունեմ նաև պրոֆեսիոնալ փորձ, որը կարելի է ուղղել դեպի ինձ հետաքրքրող և հարազատ գործ»,– ավելացրել է նա։
2008 թվականի հունիսին Մարդու իրավունքների եվրադատարանը բավարարել է «Մելտեքս» ընկերության և դրա ղեկավար Մեսրոպ Մովսիսյանի հայցն ընդդեմ Հայաստանի։ Եվրադատարանը նշել է, որ А1+–ը եթերից զրկելը Մարդու իրավունքների կոնվենցիայի 10–րդ հոդվածի խախտում է (խոսքի ազատություն) և պարտավորեցրել է երկրի կառավարությանը որպես փոխհատուցում վճարել 30 հազար եվրո։ -0-
