481.62
+0.7
518.51
+7
7.55
+0.01
-5
Եղանակը Երևանում
Հայ
Հրանտ Մելիք–Շահնազարյան. «Ոչ»-ի այսօրվա «պարտությունը» շուտով հաղթանակի կվերածվի
12:42
08 Դեկտեմբերի 2015
ԵՐԵՎԱՆ, 8 դեկտեմբերի. /Նովոստի–Արմենիա/. Դեկտեմբերի 6-ին կայացած սահմանադրական փոփոխությունների հանրաքվեի արդյունքները, որքան սպասելի, այնքան էլ հիասթափեցնող էին առաջարկված նոր Սահմանադրության հակառակորդների համար, կարծում է քաղաքագետ Հրանտ Մելիք–Շահնազարյանը։

Ըստ Մելիք–Շահնազարյանի, չնայած այն հանգամանքին, որ «Ոչ»—ի քարոզչությունն իրականում աշխատել է քարոզարշավի միայն վերջին օրերին, այնուամենայնիվ, հասարակության ընդդիմադիր խավն ակնկալում էր, որ հանրաքվեն կարող է դառնալ իրենց դժգոհությունն արտահայտելու ևս մեկ առիթ։

«Բողոքն էլ, ըստ էության, ուղղված էր ոչ թե խնդրո առարկային՝ սահմանադրական փոփոխություններին, այլ ընդհանրապես երկրի իշխանությունների քաղաքականությանը։ Արդյունքում՝ ստեղծվել է մի իրավիճակ, երբ «Ոչ»֊ի օգտին է քվեարկել այն նույն քաղաքացին, ով մի քանի տարի երկուսուկես տարի առաջ նախագահական ընտրություններում քվեարկել է Րաֆֆի Հովհաննիսյանի օգտին, իսկ մինչ այդ՝ «Բարգավաճ Հայաստան» կուսակցության օգտին։ Այսինքն՝ խոսք է գնում այն ըմբոստ զանգվածի մասին, որի մոտ կես միլիոն ներկայացուցիչներ ամեն ընտրությունների գնում են իշխանություններին դեմ քվեարկելու»,– ասում է քաղաքագետը։

Մասնագետն ընդգծել է, որ սահմանադրական փոփոխությունների հանրաքվեի արդյունքները նույնը կլինեին, եթե իշխող Հանրապետական կուսակցությունը հանդես գար հակառակ դիրքորոշմամբ։ Դա նշանակում է, որ խնդիրը ոչ թե առաջարկված Սահմանադրությունն էր, այլ այն փաստը, որ երկրում կա որոշակի ըմբոստ զանգված, որի համար միևնույն է, թե ով և ինչ կոչեր է անում «Ազատության» հրապարակի հարթակից։ Ըստ քաղաքագետի, այդ մարդկանց թիվը բավարար չէ իշխող ուժի ծրագրերը խափանելու համար, բայց բավարար է ցանկացած գործընթացում որոշակի մրցակցություն ապահովելու համար։ «Եվ սա կարևոր է թե՛ իշխանությունների, թե՛ ընդդիմության համար»,– ավելացրել է նա։

Մելիք–Շահնազարյանը խնդիրը զուտ քաղաքական հարթությունում է տեսնում։ Ամեն ինչ պայմանավորված է նրանով, թե ինչպես կարող է ընդդիմությունը կազմակերպել հասարակության այդ հատվածը և գործունեության ինչ ծրագիր առաջարկել հրապարակ դուրս եկող մարդկանց։ Քաղաքագետը նշում է, որ հայկական ընդդիմադիր դաշտում հանդես եկող բոլոր կուսակցությունների և գործիչների հիմնական խնդիրը մինչ օրս այն էր, որ հանրահավաք կազմակերպելուց բացի, ուրիշ որևէ բան անելու ունակություն չեն ցուցաբերել։ Նրանց կազմակերպչական ռեսուրսը բավարարել է միայն մի քանի օր մարդյանց հրապարակում պահելու համար։ «Անգամ կարևոր և ներքաղաքական գործընթացների տեսակետից ճակատագրական նշանակություն ունեցող ընտրություններում, ընդդիմությունը երբեք չի կարողացել բոլոր ընտրատեղամասերում գոնե վստահված անձինք ունենալ»,– ասել է մեկնաբանը։

Նրա կարծիքով, չնայած, որ այս խնդիրը Հայաստանում շատերն են տեսնում, տարօրինակ է, բայց դրա լուծման մեխանիզմներ մինչ օրս առաջարկել է միայն երկրի ղեկավար Սերժ Սարգսյանը։ Քաղաքագեը հիշեցրել է նախագահի խոսքերն այն մասին, որ իշխանության համար պայքարելը լուրջ ջանքեր և հետևողականություն է պահանջում։ «Միանգամայն ճիշտ է նրա դիտարկումն այն մասին, որ առանց ՏԻՄ ընտրությունների մասնակցության, այնտեղ հաջողության հասնելու, հնարավոր չէ որևէ լուրջ արդյունքներ ակնկալել համապետական ընտրություններից։ Դրա ապացույցն էր նաև սահմանադրական փոփոխությունների հանրաքվեն, որտեղ «Ոչ»֊ի կողմնակիցները պարտվեցին հենց մարզերում և փոքր համայքներում»։

Մելիք–Շահնազարյանը հատկանշական է համարում նաև այն, որ հիշատակված ըմբոստ զանգվածը չի կարող հաջողությունների հասնել հենց երկրի կառավարման՝ դեռևս գործող կիսանախագահական համակարգի պայմաններում։ Դուրս գալով պայքարի` ներքաղաքական գործընթացներում ձևավորելով որոշակի սպասելիքներ՝ հասարակության ընդդիմադիր հատվածն այնուհետև մշտապես հիասթափվում էր պարտությունից։ Սահմանադրական բարեփոխումների կողմնակիցների հիմնական փաստարկներից մեկն այն էր, որ համապետական ընտրություններում պարտվող կողմը երբեք ոչինչ չէր ստանում։ Անգամ, եթե քվեների մեծ տոկոս հավաքեր։
Ըստ Մելիք–Շահնազարյանի, այժմ գործունեության մեծ դաշտ է բացվում, և կշահի ընդդիմադիր այն կուսակցությունը, որը բոլորից շուտ կըմբռնի նոր համակարգի ընձեռած բոլոր հնարավորությունները։

«Անշուշտ, դրա համար որոշակի ժամանակ պետք կգա։ «Ոչ»֊ի կողմնակիցների այս օրերի գործողությունները ցույց են տալիս, որ նրանք դեռ պիտի մարսեն այս «պարտությունը»։ Բայց այդ «պարտությունն» անպայման հաղթանակի կվերածվի առաջին իսկ խորհրդարանական ընտրություններից հետո։ Իսկ թե ներկայիս ընդդիմադիրներից ով կվայելի այդ հաղթանակը, ցույց կտա ժամանակը»,– հավելել է քաղաքագետը։ -0-

Հրանտ Մելիք–Շահնազարյան, քաղաքագետ

Հեղինակի կարծիքը կարող է չհամընկնել խմբագրության դիրքորոշման հետ
Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: