486.78
+0.12
515.5
+2.27
8.41
+0.01
-4
Եղանակը Երևանում
Հայ
Անպտղություն. դատավճի՞ռ, թե՞ օրգանիզմի ազդանշանը՝ բուժվելու անհրաժեշտության մասին
19:09
21 Հունիսի 2015

ԵՐԵՎԱՆ, 20 հունիսի./Նովոստի-Արմենիա/. Հայաստանում 30 տարեկանից բարձր անպտղությամբ տառապող ամուսնական զույգերի թիվը հասել է 20 հազար 798-ի, շաբաթ օրը լրագրողներին տեղեկացրեց ՀՀ առողջապահության փոխնախարար Սերգեյ Խաչատրյանը՝ ներկայացնելով վերջին հետազոտությունների արդյունքները:

Նրա խոսքերով՝ ևս 9,4 հազար զույգ օժանդակ վերարտադրողական տեխնոլոգիաների կարիք ունի՝ անպտղությունը բուժելու համար:

Տարբեր տվյալներով՝ աշխարհում գրանցված անպտուղ զույգերի թիվը կազմում է միջինը մոտ 50 մլն, այդ թվում մոտ 19,2 միլիոնը, որոնց մոտ ախտորոշվել է  «առաջնային անպտղություն», դժվարություններ ունեն առաջին երեխա ունենալու հարցում, ևս 29,3 միլիոնը՝ «երկրորդային անպտղություն», չեն կարողանում ունենալ ևս մեկ երեխա (բացառությամբ Չինաստանի):

Այդուհանդերձ, բազմաթիվ լավատես բժիշկներ պնդում են, որ աշխարհում գրանցված վիճակագրության բազմամիլիոն թվերը մեծ մասամբ կապված են այն բանի հետ, որ մարդիկ դադարել են ամաչել, սահմանափակվել կարծրատիպերով և սկսել են ավելի հաճախ դիմել բժշկական կոնսուլտացիայի:

Անպտղությունը դատավճիռ չէ: Ո՞րն է պատճառը և ի՞նչ անել

Ինչպես հայտնի է, անպտղություն է համարվում այն, երբ ընտանեկան զույգը չի կարողանում հղիանալ առանց պաշտպանիչ միջոցների կանոնավոր սեռական կյանք վարելուց մեկ տարի անց:

Հաճախ եթե ընտանիքում ավելի քան երկու (իսկ սա առավելագույն ժամկետն է, որից հետո զույգը նշված պայմանների պահպանման դեպքում համարվում է անպտուղ) և ավել տարի չի գրանցվում հղիություն, ապա շատ երկրներում, մասնավորապես՝ Արևելքում, ընդունված է ողջ մեղքը բարդել կնոջ վրա:

Սակայն սա մեծ սխալ է, որի դեպքում կնոջ նկատմամբ ցուցաբերվում է խտրական վերաբերմունք, նա իրեն սկսում է մեղավոր զգալ այն հարցում, որ չի կարողանում հղիանալ, միաժամանակ տղամարդը չի ցանկանում դիմել բժշկի՝ հետազոտման համար:

Սկսենք այն փաստից, որ աշխարհում անցկացված տարբեր հետազոտություններ ցույց են տվել, որ անպտղության դեպքերի մոտ 50 տոկոսը կապված է կնոջ, իսկ մնացած 50 տոկոսը՝ տղամարդու առողջական վիճակի հետ:

Անպտղության առաջնային և երկրորդային պատճառների թվում բժիշկները նշում են կանանց մոտ գինեկոլոգիական հիվանդությունները, տղամարդկանց մոտ սեռական օրգանների պաթոլոգիաները, ինչպես նաև այլ պաթոլոգիաները, որոնք կապված են իմունային համակարգի, գենետիկ շեղումների, հորմոնալ խախտումների, սեռական ճանապարհով փոխանցվող հիվանդությունների հետ:

Բացի առողջության հետ կապված օբյեկտիվ խնդիրներից, գոյություն ունեն նաև անպտղության առաջացման սուբյեկտիվ պատճառներ: Արդեն բազմաթիվ տարիներ բժիշկները խոսում են այն մասին, որ չի կարելի չարաշահել ալկոհոլը, ծխախոտն և առավել ևս մտածել թմրանյութերի օգտագործման մասին: Հենց այդ վնասակար սովորություններն են հաճախ դառնում առաջին թշնամիները ապագա ծնողների համար, ովքեր հետագայում բախվում են սարսափելի դատավճռի՝ անպտղության հետ:

Չափազանց կարևոր է չապրել անկանոն սեռական կյանքով, իսկ կանայք պետք է նաև խուսափեն հղիության ընդհատումներից:

Արևն օգնում է. գիտնականների վերջին բացահայտումները

Ի դեպ, այս տարվա հունիսին բելգիացի հետազոտողները հայտարարեցին, որ արևի լույսը դրական է ազդում կնոջ բեղմնավորվելու ունակության վրա, արևային լոգանքները մեկ երրորդով բարձրացնում են բեղմնավորման հավանականությունը:

Հետազոտության հեղինակները խորհուրդ են տալիս երեխա պլանավորող զույգերին արձակուրդն անցկացնել արևոտ վայրերում: Ինչպես նշել են գիտնականները, արևի լույսի շնորհիվ օրգանիզմում մեծ քանակությամբ արտադրվում է մելատոնին հորմոնը, որը դրական է ազդում կնոջ վերարտադրական ունակության վրա: Բացի D վիտամինից, որն արտադրվում է արևային ճառագայթների ազդեցությամբ, օրգանիզմում ավելանում է նաև ձվաբջիջների որակը:

Կառավարության և հայ բժիշկների օգնությունը անպտուղ զույգերին

ՀՀ կառավարության՝ վերջերս ընդունած որոշման շնորհիվ սոցիալապես անապահով անպտուղ զույգերն առաջին անգամ կարող են օտվել ԷԿՈ-ից (արտամարմնային բեղմնավորում), ինչի կապակցությամբ հաստատվել է անվճար կամ արտոնյալ բժշկական օգնության տրամադրման կարգը:

Ամեն տարի այս ծրագրի իրականացման համար, որն իրականացվել է երեք տարվա ընթացքում, կառավարությունը կհատկացնի ավելի քան 78 մլն դրամ (մոտ 163 հազար դոլար):

«Ծրագիրը Հայաստանում իրականացվում է առաջին անգամ: Հասկանալի է, որ 78 մլն դրամը որոշակի սահմանափակումներ կստեղծի, սակայն ամեն ինչ կախված է պահանջարկից: Եթե այն տարվա արդյունքում բարձր լինի, ապա մենք կդիմենք կառավարությանը՝ առաջարկելով բարձրացնել գնային նշանաձողը», -  ասաց փոխնախարար Խաչատրյանը:

Նրա խոսքերով՝ առաջիկա տարվա ընթացքում այս ծրագրից կարող են օգտվել մոտ 260-300 շահառուներ:

«Ծրագրից օգտվել կարող են 20-45 տարեկան կանայք: Առողջապահության նախարարությունը ստուգումներ չի իրականացնելու: Ծրագրից օգտվող ընտանիքի մասին տվյալները կստացվեն սոցիալական ապահովության նախարարությունից՝ ըստ սահմանված կարգի», - ասաց փոխնախարարն՝ ավելացնելով, որ այս ոլորտը կարգավորվում է «Մարդու վերարտադրողական առողջության և վերարտադրողական իրավունքների մասին» օրենքով:

Խաչատրյանը տեղեկացրեց, որ մատուցվող ծառայությունների փաթեթում ներառվում են հետազոտությունները, պաթոլոգիաների բացահայտումը, անպտղության առաջացման պատճառների հայտնաբերումը, ինչպես նաև բուժման տարբեր մեթոդները (դեղորայքային բուժում, լապարասկոպիա, ԷԿՈ):

«Ծրագրով ամուսինները կարող են փորձել երեխա ունենալ արհեստական բեղմնավորման միջոցով վեց անգամից ոչ ավել», - ընդգծեց Խաչատրյանը:

Նրա խոսքերով՝ ցանկացողները կարող են դիմել մայրաքաղաքի մի քանի կլինիկաներ պրոֆեսիոնալ օգնության համար, այդ կլինիկաների թվում են Մոր և մանկան առողջության պահպանման գիտահետազոտական կենտրոնը, Վերարտադրողական առողջության հանրապետական ինստիտուտը, Պերինատոլոգիայի, մանկաբարձության և գինեկոլոգիայի կենտրոնը: Այս բժշկական կենտրոններն ունեն համապատասխան արտոնագիր, որը թույլ է տալիս կիրառել ԷԿՈ:

Որոշ դեպքերում, փոխնախարարի խոսքերով, հնարավոր է համաֆինանսավորման տարբերակը, այսինքն՝ զույգը կվճարի բուժման ընդամենը 30 տոկոսը, իսկ մնացած գումարը կսուբսիդավորի պետությունը:

Խաչատրյանը վստահություն հայտնեց, որ կառավարության այս որոշումը կբերի երկրում ծնելիության աճի:-0-

Անի Լիպարիտյան, «Նովոստի-Արմենիա» գործակալության համար

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի: