480.74
+0.03
511.65
+0.46
7.48
-0.03
+1
Եղանակը Երևանում
Հայ
Հայտնի արձակագիր Զախար Պրիլեպինը` ռուսական մշակույթի դեսպանն աշխարհում
19:16
19 Մայիսի 2015

Գրող, մի շարք մրցանակների դափնեկիր, «Ազատ մամուլ» կայքի գլխավոր խմբագիր, Ռուսաստանի գրողների միության քարտուղար Զախար Պրիլեպինի ստեղծագործություններն արդեն թարգմանվել են 22 լեզվով։ Նրա գրքերը ներառվել են ռուսական հումանիտար բուհերի ծրագրում։ 2013թ.–ին հրատարակված «XX դարի ռուսական գրականության պատմությունը» դասագրքում Զախար Պրիլեպինի մասին պատմող առանձին գլուխ կա, որով ավարտվում է ժամանակակից գրականության դասընթացը։

Երեքշաբթի Sputnik-Արմենիա միջազգային մուլտիմեդիոն մամուլի կենտրոնում Պրիլեպինը պատմեց իր, Հայաստանի և Ռուսաստանի միջև հարաբերությունների մասին, խոսեց նաև այն մասին, թե ինչպես է վերաբերվում Ուկրաինայում տեղի ունեցող իրադարձություններին։

Ինքն իր մասին` համառոտ

«Ես, իսկապես, գրքեր եմ գրում, և դա իմ գործունեության, իմ մասնագիտության հիմնական մասն է։ Այդ գրքերը թարգմանվել են 22 լեզվով, և այս պահին, որքան տեղյակ եմ, վեպերիցս մեկը թարգմանվում է հայերեն», – ասաց Պրիլեպինը։

Նա խոստացավ, որ հաջորդ անգամ կայցելի Երևան իր գրքի շնորհանդեսի կապակցությամբ։ Պրիլեպինը նաև հետաքրքրվում է քաղաքականությամբ, թեև քաղաքականությամբ չի զբաղվել և չի զբաղվում, սակայն ներառվում է Ռուսաստանի ամենապահանջված պոտենցիալ քաղաքական գործիչների տասնյակում։

«Ինձ թվում է, որ այն գործունեությունը, որով զբաղվում եմ (գրող և լրագրող), հենց քաղաքականության ոլորտ է։ Այս իմաստով ինձ շատ ավելի ազատ եմ զգում, քան պատենտավորված քաղաքական գործիչները, և ես ավելի շատ ազդեցություն ունեմ մշակութային և քաղաքական ուղղվածություն ունեցող լսարանի վրա, քան Պետդումայի բազմաթիվ պատգամավորներ», – ասաց Պրիլեպինը։

Նա նշեց, որ Ռուսաստանում ամենաշատ այցելություններ ունեցող «Ազատ մամուլ» կայքի գլխավոր խմբագիրն է, «Նովայա գազետա»–ի Նիժնի Նովգորոդի ստորաբաժանման ղեկավարը, հոդվածներ է գրում ամենատարբեր հրատարակությունների և հեռուստածրագրերի համար, նկարահանվում է կինոյում և զբաղվում է երաժշտությամբ։

Հայաստանը Պրիլեպինի կյանքում

«Հայաստանը վերջերս է հայտնվել իմ կյանքում։ Դոնբաս կատարած վերջին այցի ժամանակ, ուր ես պարբերաբար գնում եմ հումանիտար առաքելությամբ, ծանոթացա Սիմոն Վարդանյանի հետ, նա զբաղվում է գերիների փոխանակմամբ», – ասաց Պրիլեպինը։

Նրա խոսքով` իր «Որսորդը» վերջին ալբոմի ձայնագրման ժամանակ դուդուկի հրաշալի կատարում է ներկայացրել Վիտալի Հովհաննիսյանը։ Նա պատահական չի նաև այն փաստը, որ Երևանում է հայտնվել «Գրիբոյեդով» ակումբի հրավերով։

«Ես հիմա երկօրյա հետախուզական շրջագայություն եմ անցկացնում`զննելու,  ականջ դնելու, զմայլվելու համար։ Կհանդիպեմ մի շարք քաղաքագետների, բուհերի դասախոսների և գրական հասարակության մեկ–երկու ներկայացուցիչների հետ», – ասաց Պրիլեպինը` խոսելով Երևան կատարած այցի նպատակի և ծրագրի մասին։

Նա տեղեկացրեց, որ մի քանի ելույթ կունենա ռադիոյով։ Գրական հանդիպումներ չեն նախատեսվում։ Ափսոսանքով նշեց, որ Հայաստանի և Ռուսաստանի մշակութային կապերն այս պահին պատշաճ մակարդակում չեն։

«Եկել եմ Հայաստան որպես բարի կամքի դեսպան։ Կարծում եմ` մեզ մոտ ամեն ինչ կսկսվի, ամեն ինչ լավ կլինի։ Պարզապես պետք է որևէ մեկի գլխում գաղափար ծագի ընդհանուր մշակութային տարածքի վերականգնման մասին (Հայաստանի և Ռուսաստանի միջև)։ Այն իսկապես կարող է մեզ շատ խնդիրներից ազատել», – ասաց Պրիլեպինը։

«Եթե չլիներ ռուսական մշակույթը, ապա երկրի մասին սարսափելի պատկերացում կկազմեին»

«Եվրոպա և ԱՄՆ կատարած այցելություններս կապված են այն հանգամանքի հետ, որ Ռուսաստանի մասին որոշ պատկերացումներ շտկման կարիք ունեն։ Ես ինձ որոշ իմաստով դեսպան եմ զգում, որը պետք է ոչ թե փայտյա բառերով, այլ ավելի կենդանի խոսքով նկարագրի սեփական զգացողությունները երկրում տեղի ունեցածի մասին», – ասաց Պրիլեպինը։

Պրիլեպինը նշեց, որ իր վերաբերմունքը կարող է լինել իշխանամետ, հակասի իշխանություններին, սակայն այն կարծրատիպեր է կոտրում։ Կարծրատիպերը, որպես կանոն, կոտրվում են մշակույթի միջոցով։ Եթե չլիներ ռուսական մշակույթը, կինոն, թատրոնը, ապա Ռուսաստանի մասին պատկերացումը սարսափելի կլիներ։

Ռուսաստանում գրողը պարզապես գրող չէ

«90–ականներին նկատվում էին գրողների, գրականագետների նկատմամբ հետաքրքրության բացակայության ակնհայտ միտումներ։ Սակայն Ռուսաստանում ստացվեց այնպես, որ գրողը, որպես կերպար, կրկին բեմ է բարձրանում», – ասաց Պրիլեպինը` խոսելով ռուսական գրականության ներկա վիճակի մասին։

Նրա խոսքով` դա վառ արտահայտվեց այն ժամանակ, երբ Ռուսաստանում 3–4 տարի առաջ սկսվեցին զանգվածային բողոքները։

«Ես ուշադրություն դարձրի, որ այդ ամենն, ըստ էության, կառավարում են մարդիկ, ովքեր, այսպես թե այնպես, կապ ունեն գրականության հետ` գրողների պայքարը, պայքարը գրողների հետ, նրանց դեմ գրական ինչ–որ երևույթների համար», –ասաց Պրիլեպինը։

Նա նշեց, որ Ռուսաստանում գրողը նման է ռոք–աստղի։ Անգամ գրքեր չընթերցելով` մարդկանց հետաքրքրում է գրողը։ Նրանք փորձում են լսել ինչ–որ բաներ, որոնք իրենց փոխարեն արդեն ձևակերպվել են։ Հիմա Ռուսաստանում ավելանում է տպաքանակը, ընդլայնվել է հրատարակվող գրքերի շարքը։

«150 միլիոն բնակչությունից գիրք է կարդում 10 միլիոնը, լուրջ գրականություն է ընթերցում միլիոնից մեկը։ Սակայն այդ միլիոնը պատասխանատու է բոլոր գործընթացների համար։ Ըստ էության, հենց այդ միլիոնն է որոշում այն երկրի ճակատագիրը, որտեղ ապրելու ենք», – կարծում է Պրիլեպինը։

Ինչ վերաբերում է ռուսական գրականության ազատության աստիճանին, ապա Պրիլեպինը կարծում է, որ այն զարգանում է բավականին ազատ և չի ենթարկվում գրաքննության։

Ռուսաստանի նախագահն Ուկրաինայի գլխավոր խաղաղապահն է

«Ռուսաստանի դեմ գործադրվող ճնշումներին ես սովորել եմ։ Պատժամիջոցներ են կիրառվել ոչ միայն այսօր։ Պատժամիջոցներն առաջին անգամ կիրառվեցին Նովգորոդյան հանրապետության ժամանակ։ Ես վերջին ինն ամսում վեց անգամ այցելել եմ Դոնբաս և ծանոթ եմ իրավիճակին», – ասաց Պրիլեպինը` խոսելով Ուկրաինայի հարավ–արևելքի վիճակի մասին։

Նրա խոսքով` Ուկրաինայի իրադարձություններում Ռուսաստանի մռայլ և դաժան մասնակցության հետ մեկտեղ գոյություն չունի ավելի մեծ խաղաղապահ, քան Վլադիմիր Պուտինն է։ «Քանի որ երբեք աշխարհազորայինները չեն նախաձեռնում ռազմական գործողություններ, դրանք նախաձեռնում է ուկրաինական կողմը», – ընդգծեց նա։

«Նովոռոսիայի բանակն ամբողջությամբ կազմավորված է։ Եթե այժմ նոր սրացում գրանցվի, ապա կարծում եմ` Ուկրաինան կկորցնի Մարիուպոլը։ Ուկրաինական իշխանությունը փակուղի է մտել», – կարծում է Պրիլեպինը։ –0–

Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: