486.21
-0.98
517.62
-1.72
8.15
+0.04
-8
Եղանակը Երևանում
Հայ
Հայկական բանակ. Մենք խաղաղություն ենք ցանկանում և ոչնչից չենք վախենում
20:11
13 Մայիսի 2015

ԵՐԵՎԱՆ, 13 մայիսի. /Նովոստի–Արմենիա/. Հայ–ադրբեջանական սահմանամերձ գոտու հյուսիսարևելյան ուղղության առաջնագիծ այցելելու համար Հայաստանի պաշտպանության նախարարությունն ընտրել է մայիսի 12–ը` խորհրդանշական օր.  1994 թվականի այդ մայիսի 12–ին ուժի մեջ մտավ Լեռնային Ղարաբաղի Հանրապետության, Հայաստանի և Ադրբեջանի ստորագրած հրադադարի եռակողմ համաձայնագիրը։

Համաձայնագրով վերջ դրվեց ղարաբաղյան հակամարտության գոտում ռազմական ակտիվ գործողություններին, սակայն, ինչպես կարծում է Հայաստանի պաշտպանության նախարար Սեյրան Օհանյանը, 1994 թվականից սոսկ հարաբերական անդորր է հաստատվել, իսկ պատերազմն, ըստ էության, երբեք չի ավարտվել` հաշվի առնելով հրադադարի ռեժիմի անվերջանալի խախտումները։

Մարտական հերթապահություն
 
Հայկական բանակի գլխավոր առանձնահատկությունն այն է, որ ծառայությունն անխուսափելիորեն կապված է մարտական հերթապահությամբ սահմանին, որն անավարտ ղարաբաղյան հակամարտության պայմաններում ամենաիսկական ռազմաճակատի գիծ է։

Հետևաբար կյանքն ինքն է ստիպում փաստացի ճակատին մոտ գտնվող զորամասերում ապահովել ժամանակակից պահանջներին բավարարող չափանիշներ և սկզբունքներ։ Այդպիսի զորամասերից մեկը տեղակայված է սահմանամերձ գոտու հյուսիս–արևելյան ուղղությամբ։ Այն համարվում է օրինակելի` հարմարավետ զորանոցներ, հանգստի սենյակներ, մարզասրահներ, սեփական պատի թերթը` մի ամբողջ խմբագրակազմով և գլխավոր խմբագրով։ Հրամանատարները հպարտությամբ պատմում են, որ զորամասի հրաձգային գումարտակը նախորդ տարվա արդյունքում ճանաչվել է լավագույնը ԶՈՒ–ում` հաշվի առնելով մի շարք գործոններ, մասնավորապես, մարտական պատրաստվածությունը, զորքերի ծառայությունը, թիկունքի ապահովումը։

Սահմանին

«Այժմ սահմանամերձ գոտում իրավիճակը համեմատաբար հանգիստ է»,– ասում է լրագրողներին առաջնագիծ հասցրած «ՈՒԱԶ»–ներից մեկի վարորդը։ – Չափազանց լարված դրություն է եղել նախորդ տարվա օգոստոսին... Դրությունը սրում է հակառակորդը, մեզ դա պետք չէ»։

Նրա խոսքն ավելի ուշ մամուլի ասուլիսում հաստատեց նաև պաշտպանության նախարար Սեյրան Օհանյանը։ Նախորդ տարվա իրադարձությունները նա անվանեց փոքր պատերազմ` նշելով, որ դրությունն աննախադեպ էր հրադադարի հաստատման պահից ի վեր։ Պաշտպանական գերատեսչության ղեկավարը հիշեցրեց ուսումնամարզական թռիչք իրականացնող արցախյան ուղղաթիռի` ադրբեջանցի զինծառայողների կողմից ահաբեկչական «լավագույն ավանդույթներով» իրականացված ոչ մարտական տրանսպորտային միջոցի խոցման փաստի մասին։
 
Այնուամենայնիվ, նախարարը հատուկ ընդգծեց, որ առաջնագծում ծառայություն տանող հայ զինվորների անձնուրացության և պրոֆեսիոնալիզմի, ինչպես նաև նոր մարտավարության, պայքարի մեթոդների և տեսակների շնորհիվ, հակառակորդը չհասավ ծրագրած նպատակներին, առաջ չեկավ ոչ մի մետր շփման գծում և չկարողացավ խուճապ առաջացնել Զինված ուժերի շարքերում և հասարակության մեջ։ Հակառակը, նախարարի խոսքերով, այդ իրավիճակը համախմբեց բանակին և հասարակությանը` դիմակայելու վտանգին։
 
Եվ իսկապես, առաջինը, ինչն աչքի է ընկնում առաջնագծում, լիակատար  հանգստությունն է, անխռովությունը, գերպրոֆեսիոնալիզմը, սեփական ուժերի նկատմամբ լիարժեք վստահությունը, հաջողության հարցում ոչ մի կասկած։ Դա վերաբերում է բոլորին` շարքայինից մինչև հրամանատարական կազմ։ Տեսնելով այդ հզորությունն ու մարտական ոգին` Բաքվի ողջ ռազմատենչ հռետորությունը դառնում է անհասկանալի, անլուրջ և դատարկ։

Հատուկ հիացմունքի են արժանի մարտական սպաները` բարձրակարգ պրոֆեսիոնալների և հայրենասերների առանձին կաստան, որը, ինչպես և նախկինում, դարձել է ազգի իրական վերնախավ։ Մարտական սպաները ոչ միայն կիսում են զինվորի հետ ծառայության բոլոր հոգսերը ճակատային գծում, այլ նաև իրենց ուսերին են կրում հիմնական բեռը։

Դիրքեր այցելության ժամանակ նախարարին ցույց տվեցին սպառազինության և տեխնիկական միջոցների նորագույն նմուշները։ Հրաձգարանում զորամասի մարտիկները ցուցադրեցին հակառակորդի գրոհի հակահարվածի հմտություններ, դրա կրակային ճնշման և ոչնչացման հմտություններ։ Ի դեպ, ուսումնական մարտի ժամանակ ժամկետային զինծառայողները գրոհում էին այնպիսի վարպետությամբ և ոչնչացնում թիրախներն այնպիսի ոսկերչական ճշգրտությամբ, որին կնախանձեին նաև աշխարհի ամենաէլիտային բանակների հատուկ պատրաստված զինվորները։
 
Օհանյան. Ղարաբաղյան խնդիրը պետք է լուծել խաղաղ ճանապարհով

 
Մարտական դիրքեր այցելությունից հետո հրավիրված ասուլիսում Հայաստանի պաշտպանության նախարար Սեյրան Օհանյանն ասաց, որ հայկական կողմն անում է ամեն ինչ ղարաբաղյան հակամարտության խաղաղ կարգավորման համար: «Մենք հետևողական ենք այս հարցում, իսկ եթե դա չի ստացվում, ապա պատճառների մասին պետք է հարցնել հարևաններին»,- ասաց նախարարը։ Պաշտպանության նախարարը նաև ընդգծեց, որ բանակցային գործընթացի հաջողության համար հարկավոր է վստահության մթնոլորտ ձևավորել շփման գծում, չկրակել, հեռացնել դիպուկահարներին, չիրականացնել դիվերսիաներ, ստեղծել միջադեպերի միջազգային քննության մեխանիզմներ։

Իսկ մինչ սահմանին կրակում են, նախարարի խոսքով, հայկական զորքերը վստահաբար կատարում են իրենց առջև դրված խնդիրները, բանակը զինվում է նոր ճշգրիտ և ոչնչացման մեծ հեռավորության վրա գործող համակարգերով, հրետանիով, զրահատեխնիկայով, հակաօդային պաշտպանության, կապի, ռադիոէլեկտրոնային պայքարի միջոցներով, անօդաչու թռչող սարքերով։

Օհանյանը նշեց, որ մեծ ուշադրություն է դարձվում նաև զինծառայողների սոցիալական վիճակի բարելավմանը, հետևողական կերպով բարձրացվում են զինծառայողների դրամական վարձատրությունները, թոշակները և զոհված կամ հաշմանդամ դարձած զինծառայողների ընտանիքներին հատկացվող դրամական միջոցների չափերը։ Մասնավորապես, հուլիսի 1–ից ակնկալվում է զինվորական թոշակների բարձրացում 14 տոկոսով։ Ակտիվորեն իրագործվում է սոցիալական կացարանի ծրագիր։

Հայկական բանակի զարգացման ժամանակագրություն
 
Հաշվի առնելով նշանակալի ամսաթիվը` Արցախում հրադադարի ռեժիմի հաստատման 21–րդ տարին, պաշտպանության նախարարն անդրադարձել է Հայաստանի զինված ուժերի զարգացման պատմությանը` պայմանականորեն այն բաժանելով մի քանի փուլերի։

Մինչև 1994 թվականը` Ադրբեջանի ծավալած պատերազմի փուլ, չնայած բոլոր հոգսերին, շրջափակմանը, 1988 թվականի ավերիչ երկրաշարժի հետևանքներին` հայ ժողովրդին հաջողվեց հաղթանակ տանել։
 
1994-2000 թվականներ` պատերազմի հետևանքների վերացման փուլ, պահուստների ստեղծում, զինծառայողների սոցիալ–կենցաղային պայմանների բարելավում։

2000-2008 թվականներ` զինված ուժերում որակական առաջընթացի հասնելու փուլ։ 

2008 թվականից, նախարարի խոսքով, սկսվեց բարեփոխումների փուլը։ Ապահովվեց Զինված ուժերի ռազմավարական զարգացումը։ Միաժամանակ զուգահեռ զարգանում էր երկրի պաշտպանության ամբողջ բարդ համակարգը։

«Մեր բանակը ձգում է կատարելության, թեև մենք քաջ գիտակցում ենք, որ կատարելությունը սահմաններ չունի»,– ասաց Հայաստանի պաշտպանության նախարարը։ -0-

Loading...
Թեմատիկ նյութեր
Բաժնի այլ նյութեր
15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի:
18:32
16 Դեկտեմբերի 2016
Տոներն են մոտենում. ի՞նչ պետք է լինի տոնական սեղանին Հրեղեն աքաղաղի տարում
Ամանորի նախապատրաստական գործընթացի ամենապատասխանատու պահերից տոնական սեղանի ճաշատեսակների ընտրությունն է։ Շատ փորձագետներ այն կարծիքին են, որ Ամանորի սեղանը պետք է համապատասխանի տարվա խորհրդանիշին, իսկ 2017 թվականը Հրեղեն աքաղաղի տարի է։