480.92
+0.18
511.51
-0.14
7.54
+0.06
-1
Եղանակը Երևանում
Հայ
Վեց ճակատագիր և մեկ պատմություն. Genealogy խմբի մասնակիցները «Եվրատեսիլին» մասնակցության մասին
19:14
27 Ապրիլի 2015

ԵՐԵՎԱՆ, 27 ապրիլի. /Նովոստի–Արմենիա/. Genealogy հայկական խումբը երկրորդ համարի ներքո ելույթ կունենա «Եվրատեսիլ» երգի միջազգային մրցույթի առաջին կիսաեզրափակչում, որը տեղի կունենա մայիսի 19–ին Վիեննայում։ Արտասովոր կոլեկտիվը բաղկացած է Հայաստանը և աշխարհի հինգ մայրցամաքները ներկայացնող վեց մասնակիցներից։

Աներևակայելի գեղեցիկ, տաղանդավոր, միանգամայն տարբեր արտիստներ տարբեր երկրներից, տարբեր մայրցամաքներից... Նրանք տարբեր ճակատագրեր ունեն, բայց նրանց միավորում է նույն պատմությունը` նախնիների պատմությունը, ովքեր ժամանակին հրաշքով փրկվել են Օսմանյան կայսրությունում տեղի ունեցած կոտորածից և սփռվել տարբեր երկրներում։

Նրանցից շատերը երբեք չէին եղել Հայաստանում։ Նրանք շատ տպավորված են, հպարտ և խոսում են իրենց երկրի մասին քնքշությամբ, հիացմունքով։ Նրանց համար անակնկալ էր ոչ միայն Genealogy խմբի ստեղծումը, միջազգային այդքան պատասխանատու մրցույթում ելույթը, այլ նաև այն, որ պետք է իրենց համար բացահայտեն Հայաստանը` նախնիների փոքրիկ և արևոտ հայրենիքը։

Երբ միանգամայն տարբեր ոճերի երգիչների ձայները միախառնվում են Face the shadow կոմպոզիցիայում, ստացվում է անկրկնելի ներդաշնակություն, որն արդեն հասցրել է գերել արևմտյան ունկնդրին։ Այս պահին youtube–ում տեսահոլովակը հավաքել է ավելի քան 1.2 մլն դիտում։ Genealogy խմբի ուսերին մեծ պատասխանատվություն է` մրցույթում, որն ամեն դեպքում քաղաքականացված է,  ելույթ ունենալ այնպես, որ հենց երգի մեջ քաղաքական ենթատեքստ չտեսնեն. չէ՞ որ կոմպոզիցիան և խումբը ստեղծվել են Հայոց ցեղասպանության տարելիցի տարում։ Երկուշաբթի «հրաշալի վեցյակն» իր ակնակալիքներն է ներկայացրել լրագրողներին։

Խարիզմատիկ Եսայի Ալթունյանը

Եվրոպան ներկայացնում է ֆրանսահայ երգիչ Եսայի Ալթունյանը (Essaï), ում արդեն սիրում են Հին աշխարհում։ Եսային բարություն և էներգիա է ճառագում։ Նա ձգտում է հաղթել «Եվրատեսիլում» և պնդում, որ վիեննական բեմում ելույթի օրը ոչ թե վեց մարդ է լինելու, այլ 10 մլն հայ` ողջ աշխարհից։ Դեռ փետրվարի սկզբին Եսայի Ալթունյանը ներկայացրել էր «Je n'oublie pas» («Չեմ մոռանա») երգը, որը նվիրված է Հայոց ցեղասպանությանը։

Ամերիկացի գեղեցկուհի Թամար Կապրելյանը

Բարակ ձայնով բարետես երգչուհի Թամար Կապրելյանն (Tamar Kaprelian) Ամերիկայից նույնպես գերել է միլիոնավոր երկրպագուների սրտերը։ Հայաստանում Կապրիելյանն արդեն վաղուց երկրպագուներ ունի, ովքեր մշտապես Հայաստանի  «Եվրատեսիլի» կազմակերպիչներից պահանջում էին ուղարկել աղջկան այդ մրցույթին։ «Կարծում եմ` գաղափարը հետաքրքիր է նրանով, որ մեզ մեկ պատմություն է միավորում, թեև ամեն մեկս տարբեր ճակատագիր ունենք»,– նշեց Կապրելյանը։

Էներգիայով լի Վահե Թիլբյանը

Եթոպիայից ժամանած Վահե Թիլբյանի (Vahe Tilbian) խոսքով` ի սկզբանե քինը չէր հավատացել աչքերին, երբ նամակ էր ստացել «Եվրատեսիլում» Հայաստանը ներկայացնելու և արտասովոր մտահղացմանը մասնակցելու հրավերով։ Նամակն ուղարկել էր մրցույթում հայկական պատվիրակության ղեկավար Գոհար Գասպարյանը։

Սակայն դա սպամ չէր, ինչպես սկզբում կարծել էր Վահեն, այլ իսկապես առաջարկ Հայաստանից։ «Մեզ համար արդեն հաղթանակ է այն, որ մենք միավորվել ենք մի խմբում»,– նշեց Թիլբյանը։


Գեղանի Մերի-Ջին Օ'Դոհերթի Վասմաթզյանը

Ավստրալիան ներկայացնում է Մերի-Ջին Օ'Դոհերթի Վասմաթզյանը (Mary-Jean O'Doherty (Vasmatzian)` օպերային լեգենդար պրիմա Արաքս Մանսուրյանի աշակերտուհին։  Օ'Դոհերթին նշեց, որ Face the shadow հանճարեղ երգը սիրո մասին է։ ըստ նրա, նա իր ընտանիքից առաջինն է, ով այցելել է Հայաստան, և Հայրենիքում լինելը մեծ ուրախություն է։

Անսովոր արտաքինով Ստեֆանի Թոփալյան

Ստեֆանի Թոփալյանը (Stephanie Topalian) կիսով չափ հայ է, կիսով չափ` ճապոնուհի, Ճապոնիայում ճանաչված երգչուհի է։ Նա նույնպես նշեց, որ իր համար անսպասելի էր Genealogy խմբի մասնակից դառնալու և «Եվրատեսիլում» Հայաստանը ներկայացնելու առաջարկը։ «Մենք կանենք ամեն ինչ, որ ըստ արժանվույն ներկայացնենք Հայաստանը մրցույթում»,– ասաց Ստեֆանին։

Հայաստանից` Ինգա Արշակյան

Ինգան իր քրոջ` Անուշի հետ արդեն ներկայացրել է Հայաստանը «Եվրատեսիլում» 2009 թվականին, և այդ բարդ մրցույթում ելույթի փորձ ունի։ Արշակյանը նշեց, որ խմբի անդամներին միավորում է նույն մշակույթը, պատմությունը և Հայրենիքը։ «Այո, մենք ինչ–որ պահի հեռացել ենք միմյանցից, բայց այժմ ունենք հզոր Սփյուռք, և մենք հպարտ ենք, որ այսօր միասին կներկայացնենք հայկական մշակույթի փոքրիկ մասնիկը»,– նշեց Արշակյանը։


Անմոռուկը սրտերում և բեմում

Խմբի վեց մասնակիցները կարծես խորհրդանշում են անմոռուկը` Ցեղասպանության հարյուրերորդ տարելիցի միջոցառումների խորհրդանիշը։ Այն, ինչ անում են այդ տաղանդավոր երգիչները, անմոռանալի է։ Նրանց կենդանի կատարումը, ոճերի խառնումը և Face the shadow ուժեղ երգն արդեն սիրվել են երաժշտասերների կողմից։

«Եվրատեսիլում» հայկական պատվիրակության ղեկավար Գոհար Գասպարյանը նշեց, որ նրանք կապ են հաստատել յուրաքանչյուր արտիստի հետ, պատմել և բացատրել մտահղացումը, մանրամասն նկարագրել, թե ինչու հենց վեց մարդ պետք է ելույթ ունենա խմբում և այլն։

Գասպարյանն ավելացրեց, որ ի սկզբանե կազմել էր երկրների հսկայական ցուցակ, թե որտեղ հայկական համայնքներ կան, որոնց համապատասխան, ավելի ուշ նա և իր գործընկերները փնտրում, զանգահարում, կապ էին հաստատում երգիչների հետ։

Genealogy խմբի առաջիկա շոուի գաղտնիքները կազմակերպիչները չբացեցին, բայց ավելացրեցին, որ ելույթը գունեղ և անմոռանալի կլինի։ «Եվրատեսիլում» հայկական Genealogy խմբի «Face the shadow» (Ստվերին դեմ առ դեմ) տեսահոլովակն ընդգրկվել է The Daily Dot ամերիկյան լրատվական պորտալի լավագույն վեց երգերի ցուցակում։ -0-

Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: